2020 jylǵy 24 qańtar kúni Prezıdent Qasym-Jomart Kemeluly Toqaevtyń qatysýymen elimizdiń 2019 jylǵy áleýmettik-ekonomıkalyq damýynyń qorytyndylary jaıynda Úkimettiń keńeıtilgen otyrysy ótti. Májilis barysynda Qasym-Jomart Kemeluly birqatar jetistikterge toqtalyp, eńbek ónimdiliginiń eleýli ósiminiń bolmaýynyń úlken problema ekenin jáne shıkizattyq emes eksport úlesiniń baıaý ósip jatqanyn aıtty. Osy oraıda búgin Shymkent qalasynyń ákimi Murat Áıtenov jıyn ótkizdi. Jıynǵa qala ákimdiginiń apparaty, salalyq basqarmalar men tıisti sala basshylary qatysty. Bul týraly Shymkent qalasy ákimdiginiń baspasóz qyzmeti habarlady.
«Shahar basshysy qalada birinshi kezekte sheshilýi tıis sharalardy aıqyndap, olardy Úkimettiń jumys josparyna engizý boıynsha tıisti mınıstrliktermen jumys júrgizýdi naqty tapsyrdy.
Jıynda M.Áıtenov sala basshylaryna qordalanǵan máselelerdi sheshý úshin birqatar tapsyrma júktedi.
Dálirek aıtsaq:-Memleket basshysysynyń kóleńkeli ekonomıkamen kúresýdi jáne qolma-qol aqshalaı esep aıyrysý kólemin qysqartý boıynsha tapsyrmasyn óte tııanaqty oryndaýdy;-Qaladaǵy arnaıy ekonomıkalyq jáne ındýstrıaldy aımaqtardyń barlyǵyna taldaý júrgizip, onyń sapaly toltyrylýy men tıimdi basqarylýyn, taýar óndirýshilerdiń ónimderin jaqyn jáne alys óńirler men elderge eksportqa shyǵarý kólemin ulǵaıtýdy;-Memleket basshysynyń qymbat avtokólik pen jıhazdardy satyp alýǵa, ártúrli forýmdardy, semınarlardy jáne konferensııalardy ótkizýge uzaq merzimdi moratorıı jarııalaǵanyna baılanysty bıylǵa bekitilgen bıýdjetke taldaý júrgizip, tıisti ózgertýlerdi engizýdi;-Investısııalyq jobalar boıynsha jol kartasyn ázirlep, 1 sáýirge deıin «Bızneske arnalǵan Úkimet» biryńǵaı qyzmet kórsetý terezesin ashýdy;-Memlekettik satyp alýda jergilikti qamtý úlesin ulǵaıtýdy jáne bir kózden satyp alý úlesin qysqartýdy;-Qoǵamdyq kólik máselesin de der kezinde sheshýdi;-Turǵyndardyń áleýmettik jaǵdaıyn jaqsartý boıynsha tıisti jumystar júrgizip, masyldyqqa jol bermeýdi baqylaýdy;-Barlyq mektepter men balabaqshalarǵa beıne baqylaý kameralaryn ornatýdy jáne oqý oryndarynyń syrtynda ornalasqan dárethanalardy ǵımarat ishine ornalastyrý jumystaryn osy jyldyń 1 qyrkúıegine deıin tolyq oryndaýdy;-Bıylǵy 1 sáýirge deıin qala turǵyndaryn mindetti áleýmettik-medısınalyq saqtandyrýmen 100 paıyz qamtýdy;-Turǵyndardy sapaly ınternet jelisimen qamtamasyz etýdi jáne sıfrlandyrý jumystaryn jandandyrýdy qatań tapsyrdy.
Májilis sońynda Murat Dúısenbekuly «Halyq únine qulaq asatyn memleket» tujyrymdamasy boıynsha barlyq sala basshylaryna turǵyndarmen tyǵyz jumys isteýdi basa aıtty» delingen habarlamada.