Prezıdent Qasym-Jomart Toqaev Birikken Arab Ámirlikterine sapary barysynda Qurmetti qonaqtar kitabyna estelik qoltańbasyn qaldyrdy.
Q.Toqaev «Ál-Ýatan» saraıyna kelgennen keıin Qazaqstannyń ánurany oınaldy. Budan keıin Memleket basshysy men BAÁ taq murageri sheıh Muhammed ben Zaıd Ál-Nahaıan birlesken sýretke túsip, ózara delegasııa múshelerin tanystyrdy.
Saltanatty sharadan keıin Q.Toqaev Qurmetti qonaqtar kitabyna estelik qoltańbasyn qaldyrdy.
«Elińiz ben «Ál-Ýatan» saraıyndaǵy jyly qabyldaýyńyz úshin shynaıy alǵysymdy bildiremin. Qazaqstan men Birikken Arab Ámirlikteriniń dostyǵy men baýyrlastyq qarym-qatynastary nyǵaıa bersin. Ámirlikter halqynyń yrysy men berekesi baıandy bolýyna tilektespin! Izgi nıetpen, Qazaqstan Respýblıkasynyń Prezıdenti Qasym-Jomart Toqaev» delingen Qurmetti qonaqtar kitabynda jazylǵan tilekte.
Aıta ketý kerek, Prezıdent Q.Toqaevtyń Birikken Arab Ámirlikterine sapary eki kúnge jalǵasady. Taq murageri sheıh Muhammed ben Zaıd Ál-Nahaıanmen ekijaqty kezdesý ótkizgennen keıin BAÁ-niń bıznes ókilderimen kezdesý josparlanǵan.