Jýyrda Mınsk (Belarýs) qalasynda júzýden kórý qabileti tómen jáne tirek-qımyl apparaty zaqymdanǵan sportshylar arasyndaǵy Belarýs Respýblıkasynyń ashyq chempıonaty ótti.
Birinshilik halyqaralyq Paralımpıada komıtetiniń qoldaýy aıasynda uıymdastyrylyp, oǵan álemniń 7 memleketinen, atap aıtar bolsaq, jarysty uıymdastyrýshy Belarýs jáne Ázerbaıjan, Qazaqstan, Túrkııa, Ýkraına, Lıtva, Moldova elderinen barǵan 150-den asa sportshy baq synady.
Múmkindigi shekteýli sportshylardyń baıraqty básekesine Qazaqstan quramasynan 15 sportshy qatysyp, jalpy sany 43 medal jeńip aldy. Onyń 21-i altyn, 13-i kúmis jáne 9-y qola. Sportshylardyń kórsetken nátıjeleri (IPC) Halyqaralyq Paralımpıada komıtetiniń 2020 jylǵy álemdik reıtıngine engiziledi.