Oblystyq polısııa departamenti ákimshilik polısııa basqarmasynyń málimetinshe, qalyń qar túsýine oraı Lenın kenti mańynda - 60, Qalqaman kenti mańynda - 100, Ekibastuz qalasyna qaraı ótetin kópir janynda - 40, Shiderti mańynda - 60, Ýspen aýdanynda – 18, Sharbaqty aýdanynda 6 avtokólik tur.
Qazir Nur-Sultan qalasyna qaraı jol áli ashylǵan joq. Sondyqtan kólikter jolda turyp qalǵan. Júrgizýshilerdi jergilikti ákimdikter jaǵdaılaryn jasap, ornalastyrýda.
Kúni-túni avtojoldardy qardan tazalaý jumystary júrgizilýde. Jalpy 52 arnaıy tehnıka jol boıynda jumys jasaýda.
Biraq arnaıy jol tazalaý kólikteriniń az bolýyna oraı, qardan ýaqytyly tazartý múmkindik bermeýde.
Basqarmanyń málimetinshe, jol boıynda barlyǵy 15 beket ornatylǵan. Jol-patrýldik polısııasynyń 15 avtomashınasy avtojoldardyń jabylýyna oraı qozǵalys baǵyttaryn qadaǵalaýda.
Jol boıyndaǵy aýyldarda evakýasııalyq pýnktter jumys jasaıdy. Polısııanyń ýchaskelik ınspektorlary da jaǵdaıdy baqylaýda.
Pavlodar oblysy