Almatyda qatary 5 adamnan turatyn qaraqshylar toby qylmys ústinde qolǵa tústi. Bul týraly oblystyq ishki ister departamentiniń baspasóz qyzmeti habarlady.
«Jyl basynan beri ustalǵan azamattar qaladaǵy býkmekerlik keńselerge 15 ret qaraqshylyq shabýyl jasaǵan. Barlyq shabýyldan kelgen shyǵynnyń jalpy kólemi 2 mln. 149 myń teńgeni qurady», – delingen habarlamada.
«Ustalǵan azamattardyń eshqaısysy buǵan deıin sottalmaǵan. Beseýdiń bireýi ǵana – 1991 jyly týǵan azamat «Tulpar» JShS-da taksıst bop jumys istegen. Olardan aıǵaq zattar tárkilenip alyndy», – delingen odan ári paraqshada.
Barlyq fakti boıynsha qylmystyq is qozǵalyp, tergeý amaldary bastalyp ketti.
Murat Aıtqoja.