Birqatar elder óz azamattaryn Qytaıdyń vırýs taraǵan aımaǵynan elge qaıtarý sharalaryn bastap ketti.
Tokıonyń Haneda áýejaıyna japon azamattarymen eki ushaq qonǵan. Jergilikti BAQ medısınalyq tekseristen ótken jolaýshylar ishinde vırýs juqtyrǵan 3 adam bolǵanyn habarlady.
Sondaı-aq AQSh 200 azamatyn elge qaıtarǵan.
Ulybrıtanııa men Ońtústik Koreıanyń óz azamattaryn Ýhannan alyp ketý sharalary Qytaı bıliginen ruqsattyń bolmaý sebebinen keıinge qaldyryldy. Ulybrıtanııa bıligi ushyp kelgen jolaýshylar 14 kún boıy oqshaýlanyp, medısına qyzmetkerleriniń baqylaýynda bolatynyn málimdedi.
Avstralııa azamattaryn karantındik rejimde bólek aralda ustaýdy kózdep otyr.
Eýropa odaǵy 250 Fransııa azamattaryn qosa alǵanda turǵyndaryn eki ushaqpen elge qaıtarmaqshy.
Sonymen qatar Kanada, Fılıppın jáne Malaızııa elderi de óz azamattaryn elge qaıtaratyndaryn málimdedi.
Qazaqstan úkimeti Ýhan qalasynda oqyp jatqan stýdentterdi qaıtarý joly qarastyrylyp jatqanyn aıtqan. Al densaýlyq saqtaý ókilderi vırýs shyqqan aımaqtan kelgen otandastardy qarsy alýǵa daıyndyǵyn jetkizdi.