Saryaǵash aýdanynyń turǵyny, stýdent Janar Anarbaeva úsh balanyń anasy atandy. Iаǵnı, Túrkistan oblysynda bıylǵy jyldyń alǵashqy úshemi dúnıege keldi.
Byltyr ǵana aq bosaǵa attaǵan jas kelin Adına, Medına, Úsen esimdi eki qyz jáne bir ul balany dúnıege ákelip otyr.
Oblystyq №1-shi perınataldy ortalyqta aıy - kúnine jetpeı týylǵan úshemniń jaǵdaıy, dárigerlerdiń málimdeýinshe, qazir jaqsy. Perzenthana qyzmetkerlerine alǵysyn bildirgen Janar aýylda sábılerdiń ájeleri asyǵa kútip otyrǵanyn aıtady.
Aıta ketelik, oblystyq qoǵamdyq densaýlyq basqarmasynyń dereginshe, ótken jyly Túrkistan oblysynda bes úshem dúnıege kelip, 55 myńnan astam sábı týylǵan.