Sporttyq gımnastıkadan álem kýbogine qatysatyn qazaqstandyq sportshylar tizimi belgili boldy. Bul jaıynda Ulttyq olımpıadalyq komıteti habarlady.
16-24 aqpan aralyǵyndaǵy Avstralııanyń Melbýrn qalasynda sporttyq gımnastıkadan álem kýboginiń kezeńi ótedi. Atalǵan jarys el quramasy úshin maýsymnyń alǵashqy dodasy bolmaq.
Baıraqty dodaǵa Qazaqstan ulttyq qurama sapynan Mılad Karımı, Narıman Kýrbanov jáne Ilıas Azızov qatysady.
Aıta keterligi, qazirgi tańda sporttyq gımnastıkadan ulttyq qurama Reseıde jarys aldy oqý-jattyǵý jıyndaryna qatysyp jatyr.