2013 jylǵy 10 shilde, Astana, Úkimet Úıi
«Qazaqstan Respýblıkasynyń aýmaǵynda ań aýlaý erejesin bekitý týraly» Qazaqstan Respýblıkasy Úkimetiniń 2004 jylǵy 31 jeltoqsandaǵy №1458 qaýlysyna ózgeris engizý týraly
Qazaqstan Respýblıkasynyń Úkimeti qaýly etedi:1. «Qazaqstan Respýblıkasynyń aýmaǵynda ań aýlaý erejesin bekitý týraly» Qazaqstan Respýblıkasy Úkimetiniń 2004 jylǵy 31 jeltoqsandaǵy №1458 qaýlysyna (Qazaqstan Respýblıkasynyń PÚAJ-y, 2004 j, №51, 681-qujat) mynadaı ózgeris engizilsin: kórsetilgen qaýlymen bekitilgen Qazaqstan Respýblıkasynyń aýmaǵynda ań aýlaý erejesinde: kórsetilgen Erejege 11-qosymshada: eskertpede: úshinshi abzas mynadaı redaksııada jazylsyn: «** - soltústik aımaq: Aqmola, Aqtóbe, Atyraý, Batys Qazaqstan, Qostanaı, Pavlodar, Soltústik Qazaqstan oblystary, Qaraǵandy oblysynyń Osakarov, Buqar jyraý, Nura, Qarqaraly, Abaı aýdandary, Shyǵys Qazaqstan oblysynyń Kúrshim, Kókpekti, Katonqaraǵaı, Jarma, Ulan, Abaı, Zyrıan, Glýbokoe, Shemonaıha, Borodýlıha, Besqaraǵaı aýdandary, sondaı-aq Semeı jáne Rıdder qalalarynyń ákimshilikterine baǵynysty jerler;». 2. Osy qaýly alǵashqy resmı jarııalanǵan kúninen bastap kúntizbelik on kún ótken soń qoldanysqa engiziledi.
Qazaqstan Respýblıkasynyń Premer-Mınıstri S.AHMETOV.