Qazaqstan Respýblıkasy Úkimetiniń 2020 jylǵy 4 aqpandaǵy Qaýlysymen Suńǵat Qýatuly Esimhanov basqa jumysqa aýysýyna baılanysty Energetıka vıse-mınıstri qyzmetinen bosatyldy. Bul týraly Premer-Mınıstrdiń baspasóz qyzmeti habarlady.
Suńǵat Esimhanov 1973 jyly 30 qarashada Pavlodar oblysynda dúnıege kelgen. 1996 jyly Pavlodar ındýstrıaldy ınstıtýtyn, 2007 jyly Qaraǵandynyń «Bolashaq» ózekti bilim berý ınstıtýtyn támamdaǵan.
Eńbek jolyn 1996 jyly «Alıýmınıı Qazaqstan» AQ-nyń gıdrometallýrgııalyq sehynda ınjener bolyp bastaǵan.
2001-2007 jyldary Astana, Aqtaý, Qaraǵandy qalalary boıynsha Tabıǵı monopolııalardy retteý, básekelestikti qorǵaý jáne shaǵyn bıznesti qoldaý agenttiginiń qurylymynda maman, bólim basshysy, departament dırektory qyzmetterin atqarǵan.
2008-2010 jyldary Pavlodar oblysynyń Energetıka jáne kommýnaldyq sharýashylyq basqarmasyn basqardy.
2010-2013 jyldary — «Qazaqenergosaraptaý» AQ prezıdenti boldy.
2013-2014 jyldary — Indýstrııa jáne jańa tehnologııalar mınıstrligi Elektr energetıkasy jáne kómir ónerkásibi departamentiniń dırektory bolyp jumys istedi.
2014-2018 jyldary — Energetıka mınıstrliginiń Atomdyq jáne energetıkalyq qadaǵalaý men baqylaý komıtetiniń tóraǵasy qyzmetin atqardy.
2018 jylǵy qarashadan bastap qazirgi tańǵa deıin Energetıka vıse-mınıstri qyzmetin atqardy.