Almaty oblysy Talǵar qalasyndaǵy «Alataý» shańǵy-bıatlon kesheninde shańǵymen jarysýdan Qazaqstan kýboginiń birinshi aınalymy aıaqtaldy. Bul týraly Olympic.kz habarlady.
Elimizdiń 11 aımaǵynan jınalǵan 130-dan asa shańǵyshy úsh baǵlarlama boıynsha synǵa tústi. Atap aıtar bolsaq, sportshylar klassıkalyq ádispen jekeleı syn, erkin ádispen sprınt jáne erkin ádispen mass-start boıynsha ózara jeńimpazdardy anyqtady.
Eresekter men jasóspirimder arasynda jalpy esebi 12 medal jıyntyǵy sarapqa salynǵan. Jarys qorytyndysy boıynsha 12 medal ıelengen Aqmola oblysy top jardy. Olar 3 altyn, 6 kúmis jáne 3 qola júlde jeńip alǵan.
7 medal enshilegen almatylyq shańǵyshylar ekinshi orynda. Al úzdik úshtikti 4 júldesi bar qostanaılyqtar túıindegen.