Oblys ortalyǵyndaǵy jedel medısınalyq járdem stansasy respýblıkalyq baıqaýda úzdik atandy.
Oblys ortalyǵyndaǵy jedel medısınalyq járdem stansasy respýblıkalyq baıqaýda úzdik atandy.Pavlodarlyqtardyń top jarýyna dárigerlerdiń kásibı sheberligi men qyzmet kórsetýdegi shapshańdyǵy, zamanaýı jabdyqtarmen jumys jasaı biletinderi jol ashty. Bul kúnderi oblys ortalyǵyndaǵy jedel járdem stansasy basqa oblystardy aıtpaǵanda, Astana men Almatyǵa endi ǵana jetken GPS-navıgasııasy júıesin paıdalanýda. Bul júıe qazir oblys ortalyǵynan tys aýmaqtarda da qoldanyla bastapty. Tosyn oqıǵa oryn alyp, adamdar zardap shekken jaǵdaıda dárigerler dereý sol jaqqa jetedi nemese jaqyn ornalasqan ambýlatorııalyq aýrýhanaǵa habarlasady.
Bul qondyrǵylar qýat kózinsiz eki saǵat jumys isteı alady eken. Qońyraý shalǵan adamnyń baılanys nómiri avtomatty túrde saqtalady. Dárigerler jan-jaqty jabdyqtalǵan reanomobıldegi arnaıy quraldar arqyly reanımasııaǵa jetkizilýi tıis naýqastarǵa alǵashqy kómek kórsete alady. Dári-dármek, ottegi apparaty, reanımasııalyq sómke, ár dárigerde planshet bar. Bas dáriger Qanadan Qanashulynyń aıtýynsha, 26 brıgada kún saıyn 500-den astam syrqatqa qyzmet kórsetedi.
Jedel járdem stansasynda 76 dáriger, 170 feldsher, barlyǵy 544 qyzmetker kúni-túni eńbek etýde. Ujymǵa ótken jyly 11 jas dáriger kelip qosylypty. Stansa janynan aýdandardan keletin dárigerler úshin oqý ortalyǵy ashylǵan.
Farıda BYQAI,
«Egemen Qazaqstan».
PAVLODAR.