Áýe qorǵanysy kúshteriniń bas qolbasshysy avıasııa general-maıory Nurlan Ormanbetov bastaǵan ofıserler toby Ońtústik Qazaqstan oblysynda ornalasqan avıasııalyq bólimde boldy, dep habarlady Qorǵanys mınıstrliginiń baspasóz qyzmeti.
Áýe qorǵanysy kúshteriniń bas qolbasshysy avıasııa general-maıory Nurlan Ormanbetov bastaǵan ofıserler toby Ońtústik Qazaqstan oblysynda ornalasqan avıasııalyq bólimde boldy, dep habarlady Qorǵanys mınıstrliginiń baspasóz qyzmeti.
Kúndizgi jáne túngi ushýlardy oryndaý avıasııalyq bólimder jaýyngerlik ázirliginiń mańyzdy quramdas bóligi bolyp tabyldy. Onsyz avıatorlardyń qyzmettik is-áreketin elestetý múmkin emes. Al toptyń jumysy barysynda MıG-29 jáne Sý-25 ushaqtarymen ushý jáne qoný mindetterin oryndaýǵa arnalǵan maqsatty ushýlar ótkizildi.
Ushýdan keıingi jınalysta Áýe qorǵanysy kúshteriniń bas qolbasshysy kóptegen ushqyshtardyń ushý saǵattary boıynsha kórsetkishteriniń joǵary ekenin atap ótti. Bul – kókke kóterilýge bet alǵan jas býynǵa berilýi tıis baı tájirıbeniń ólshemi.
– Jalpy alǵanda Áskerı áýe kúshteri bul bólimniń jeke quramy ushaqty basqarý tehnıkasyn jáne ony jaýyngerlik qoldanýdy jetik meńgergen, – dedi Nurlan Ormanbetov.
Sol kúni osy bólimde túngi oqý-jattyǵý ushýlary boldy. Mundaı ushýlardy ótkizý – elimizdiń áýe keńistigin kúzetý men qorǵaý jónindegi mindetterdi oryndaıtyn áskerı ushqyshtardyń sheberligin arttyrýǵa arnalǵan mindetti talap.
«Egemen-aqparat».