5 aqpan kúni keshkisin Izmır-Ystanbul baǵyty boıynsha ushyp kelgen «Boıng» ushaǵy qoný kezinde apatqa ushyrady. Belgili bolǵandaı ushaqta eki qazaqstandyq ta bolǵan.
Qazaqstannyń Ystanbuldaǵy Bas konsýldyǵynyń málimetine sáıkes, 2020 jylǵy 5 aqpanda jergilikti ýaqyt boıynsha shamamen 18.00-de Ystanbul áýejaıyna qolaısyz qoný barysynda ushý-qoný jolynan tys shyǵyp ketýi saldarynan Qazaqstan Respýblıkasynyń eki azamaty jaraqat alǵan. Olar Fatıh Sultan Mehmet aýrýhanasyna jetkizilgen.
Bul jaǵdaı Bas konsýldyqtyń baqylaýyna alynyp, azamattarymyzǵa qajet kómek kórsetý boıynsha tıisti sharalar qabyldanýda.