Almaty qarjy polısııasy jalǵan kásipkerlerdiń atynan zańsyz qujattar jasaý arqyly ózge kompanııalardyńkóp kólemdegi salyqtan jaltarýlaryna kómektesip júrgen qylmystyq toptyqolǵa túsirdi. Bul týraly BNews.kz tilshisi habarlady.
Aqparat kózderi bul qylmystyq topqa Almaty qalasy salyq departamenti dırektorynyń orynbasary B.Ájinurov qamqorlyq kórsetkenin jetkizedi. Bul toptyń izine túskenqarjy polısııasynyń qyzmetkerleri jalǵan kásipkerlermen jasalǵan kúdikti kelisimder boıynsha jalpy somasy 600 mln. teńgege teń býhgalterlik qujattardyń (esep-faktýra, fıskaldyq chekter, kassalyq orderlerge túbirtekter, eńbek demalysyna ústeme aqylar) jasalǵanyn anyqtady.
«Jalǵan kásipkerler zańsyz negizde túsken aqshalaı tabystyń belgili bir paıyzyn qamqorlyq jasaǵany úshin Almaty qalasy Salyq departamenti dırektorynyń orynbasaryna tólep otyrǵan», - delingen habarlamada.
Ústimizdegi 7 tamyzynda Almaty qalasy boıynsha salyq departamenti basshysynyń orynbasary B.Ájinurovqa qarsy qyzmettik babyn asyra paıdalaný (Qylmystyq kodekstiń 307-baby 2-tarmaǵy) faktisi boıynsha qylmystyq is qozǵady.
Keıin B.Ájinurovtyń ózi de jalǵan qujat jasap bergeni úshin 26 mln. teńge kóleminde para alyp jatqan jerinde qolǵa tústi. Sondaı-aq, onyń kabınetin tintý kezinde 30 myń dollarǵa tarta aqsha men ózge de jalǵan kásipkerlerdiń qujattary tabylǵan.
«Qylmystyq is tergelýde, onyń nátıjesi jaıynde keıin habarlanatyn bolady», - dep málimdedi qarjy polısııasynan.
Sultan Bozaıǵyr.