Otandyq ónimderdi tanystyrý

Kaznex Invest ulttyq agenttigi Reseıdiń Túmen qalasynda azyq-túlik, mashına jasaý, qurylys salalaryndaǵy toǵyz otandyq óndirisshiler ónimderiniń tusaýkeserin ótkizdi.

Kaznex Invest ulttyq agenttigi Reseıdiń Túmen qalasynda azyq-túlik, mashına jasaý, qurylys salalaryndaǵy toǵyz otandyq óndirisshiler ónimderiniń tusaýkeserin ótkizdi.

Onda «Sesna-Astyq» kon­se­r­ni» AQ, «Sultan martketıng» AQ, «AKBARS NK» JShS, «IýPEKs» JShS, «Kýbleı» JShS, «Belkamıt» AQ, «KazGer» JShS, «Ken­taý transformator zaýyty» AQ jáne «Munaıaspap» AQ óz ónim­derin usyndy.

Túmendik kásipkerler qazaq­standyq azyq-túlik ónimderine neǵurlym úlken qyzyǵýshylyq tanytty. Aldyn ala ýaǵdalastyq boıynsha otandyq azyq-túlik ónimin óndirýshiler men túmendik kásipkerler arasyndaǵy un ónimderin jetkizip berý jónindegi kelisimshart qol qoıý satysynda tur. Mashına jasaý ónimderine kelsek, agenttiktiń «Munaıaspap» jáne «Belkamıt» kásiporyndary úshin osyndaǵy birqatar óndiris oryndarymen arnaıy kezdesýler uıymdastyrǵanyn atap kórsetý qajet. Sonyń nátıjesinde «Kentaý transformator zaýyty» AQ Sibir óńirine transformatorlar jetkizip berý jóninde kelissózder júrgizýde.

Reseıdiń jaqyn ornalasqan 12 óńirlerine jasalǵan taldaý qorytyndylary boıynsha Túmen oblysy 228 mıllıon AQSh dollaryn quraıtyn kórsetkishpen qazaqstandyq eksport kólemi boıynsha aldyńǵy orynda tur. О́ńirdiń tutyný taýarlaryna, hımııa ónimderine, birqatar mashına jasaý jáne elektr-tehnıkalyq ónimderge degen suranysy úlken. Mamandardyń paıymdaýynsha, qazaqstandyq kásiporyndar da osy atalǵan taýarlardy ımporttaýǵa basa nazar aýdarýy tıis.

Túmende otandyq óndirisshiler ónimderiniń tusaýkeserin ótkizý Kaznex Invest agenttiginiń ulttyq eksportty Reseı Federasııasynyń shekaralas óńirlerinde alǵa bastyrý jumysy sheńberinde júzege asyryldy. Osy oraıda sońǵy ýaqyttary atalǵan agenttiktiń yqpal jasaýymen birqatar otan­dyq kásiporyndardyń Novosi­bir jáne Omby oblystary kásip­kerlerimen kelissózder júrgizýge qol jetkizgenin aıta ketý qajet.

«Egemen-aqparat».