Úzdikter iriktelgen kórme

Aqtóbe qalasyndaǵy «Dostyq» úıinde oblys boıynsha «Qazaqstannyń úzdik taýary-2013» atty óńirlik kórme-konkýrsy ótkizildi. Oǵan oblys aýmaǵyndaǵy negizgi iri kásiporyndardyń, bıznes-asso­sıa­sııalardyń basshylary, jeke kásip­kerler, áleýetti tapsyrysshylar, múddeli jetkizýshiler, memlekettik organdardyń ókilderi qatysty.

Aqtóbe qalasyndaǵy «Dostyq» úıinde oblys boıynsha «Qazaqstannyń úzdik taýary-2013» atty óńirlik kórme-konkýrsy ótkizildi. Oǵan oblys aýmaǵyndaǵy negizgi iri kásiporyndardyń, bıznes-asso­sıa­sııalardyń basshylary, jeke kásip­kerler, áleýetti tapsyrysshylar, múddeli jetkizýshiler, memlekettik organdardyń ókilderi qatysty.Osy kórme-konkýrs­ty ótkizýdegi maqsat kásiporyndar men uıymdardyń otandyq ónim sapasyn jaqsartýǵa baǵyttalǵan qyzmetiniń belsendiligin arttyrý, Qazaqstan naryǵyn joǵary sapaly jáne básekege qabiletti ónimdermen toltyrý, turǵyndar arasynda sapa tanymdylyǵyna qol jetkizý bolyp tabylady. Ol «О́ndiristik maqsattaǵy úzdik taýarlar», «Turǵyndar úshin úzdik taýarlar» jáne «Úzdik azyq-túlik taýarlary» nomınasııalary boıynsha uıymdastyryldy. Kórme-konkýrsqa 20 kásiporyn men jeke kásipker óz ónimderin qoıdy. Olardyń arasynda óndiristik maqsatta ónim óndiretin «Bazalt», «Sılıkat-A», «Tenýs», «Naǵyz Beton» «Sıtal-2», turǵyndarǵa óz ónimderin usynatyn «Keramıka», «Sveta­kom» «Jak» tárizdi jaýapkershiligi shekteýli seriktestikteri, sondaı-aq, azyq-túlik óndirýmen aınalysatyn «Stepnoe», «Mártók sút» jaýapkershiligi shekteýli seriktestikteri, «Vanıl», «Volynes» jáne «ÁmirǵalıevA.A» jeke kásipkerlikteri de bar.

Oblys ákiminiń birinshi orynbasary Nurmuhambet Ábdibekov kórme-konkýrsqa qatysýshylardyń óńir ekonomıkasynyń áleýetin arttyrýǵa baǵyttalǵan qadamdaryna sáttilik tiledi. Saraptamalyq top ár kásiporynnyń ónimderin kórip, usynylǵan materıaldardy taldap, qorytyndy shyǵarǵansha osynda óz ónimderin qoıǵan birneshe fırmalardyń ókilderimen áńgimelesýdiń sáti tústi.

«Mártók sút» JShS dırektory Alla Tyshenkonyń aıtýynsha, kórme-konkýrsqa ózderi shyǵaratyn 11 túrli sút ónimderin ákelipti. Olar aýdandaǵy úsh iri sharýa qojalyǵymen sút tapsyrýǵa kelisim-shartqa otyrǵan. Basqa da turǵyndardan sút qabyldaıdy. Sol sútten óndirilgen qaımaq, aıran, irimshik, basqa da ónimderdi qalalyqtar qyl ústinen bólip áketedi eken. Iаǵnı sút ónimderiniń sapasy jaq­sy bolǵany, ekologııalyq tazalyǵy tutynýshylardyń kóńilinen shyǵatyny kórinip tur.

Hromtaý aýdanyndaǵy «Keramıka» aksıonerlik qoǵamy bolyp qaıta qurylǵan kásiporynǵa memleket qoldaý kórsetip, «Damý – aımaqtar-2» baǵdarlamasy boıynsha jeńildikpen nesıe bólgen. Aksıonerlik qoǵamnyń kommersııalyq dırektory Rahat Altybaevtyń málimdeýinshe, kásiporyndy jańǵyrtý jobasy 222 mıllıon teńgege túsipti. Jylyna 1 mıllıon sharshy metr plıta shyǵarýǵa negizdelgen jobanyń qýatyn ıgerýde ilgerileýshilik bar. Munda óndiriletin ónim sapasy eýro­palyq standartqa saı keledi. Naryqta básekelestikke qabiletti keramıka plıtala­ry negizinen ortanqol tutynýshyǵa arnal­ǵan dúnıeler. «Keramıkanyń» plıtalaryna qazirdiń ózinde ishki rynokta suranys joǵary. Munda 160 adam eńbek etedi.

Kórme-konkýrsqa et ónimderiniń 43 túrin ákelgen «Stepnoe» JShS sóresi mańynda adamdar qaramy kóp. Onyń da reti bar. Seriktestiktiń ystalǵan eti, shujyǵy, tili, qazy-qartasy jáne basqa jeńsik taǵamdary kóz jaýyn alady. Sapasy da til úıirerlikteı dámdi. Kezinde «Qazaqstannyń úzdik taýarlary» respýblıkalyq kórme-konkýrsyna qatysyp, óz ónimderiniń sapalylyǵyn dáleldep úlgergen seriktestiktiń júldegerler qatarynan kórinýge múmkindigi mol ekeni aıtpasa da túsinikti.

Saraptamalyq toptyń uıǵarymymen «О́ndiristik maqsattaǵy úzdik taýarlar» nomınasııasy boıynsha «Tenýs A» JShS birinshi, «Sılıkat-A» JShS ekinshi, al, «Naǵyz Beton» JShS úshinshi oryndy ıelen­di. «Halyq úshin úzdik taýarlar» nomınasııasynda «Keramıka» AQ alda boldy, ekinshi jáne úshinshi oryndarǵa tıisinshe «Svetakom» JShS men «Nııazov.E» jeke kásipkerligi taban tiredi. «Úzdik azyq-túlik taýarlary» nomınasııasy boıynsha «Stepnoe» JShS jeńis tuǵyrynan kórindi. Ekinshi oryndy «Volynes» jeke kásipkerligi ıelense, úshinshi oryn «Mártók sút» JShS-ne buıyrdy. Kórme-konkýrstyń jeńimpazdary men júldegerlerine dıplomdar men baǵaly syılyqtar tapsyryldy. Bul sharanyń jeńimpazdary Astana qalasynda ótetin «Qazaqstannyń úzdik taýary» kórme-konkýrsyna qatysý quqyna ıe boldy. En­di olar osy kórme-konkýrsta oblystyń eko­nomıkalyq damý áleýetin, ónimderiniń qan­sha­lyqty sapalylyǵyn kórsetetin bolad y.

Satybaldy SÁÝIRBAI,

«Egemen Qazaqstan».

Aqtóbe oblysy.