Jalǵan kásipkerlerdi salyqtan qutqarǵan

Almaty qalalyq salyq departamenti basshysynyń orynbasary 26 mln. teńge paramen qolǵa tústi

Almaty qalalyq salyq departamenti basshysynyń orynbasary 26 mln. teńge paramen qolǵa tústi

Almaty qarjy polısııasy jalǵan kásipker­lerdiń atynan zańsyz qujattar jasaý arqyly ózge kompanııalardyń kóp kólemdegi salyqtan jaltarýlaryna kómektesip júrgen qylmystyq topty áshkereledi.

Aqparat kózderi bul qylmystyq top­qa Almaty qalasy salyq departamenti dırek­torynyń orynbasary B.Ájinurov qamqorlyq kórsetip kelgenin jetkizedi. Bul toptyń izine túsken qarjy polısııasynyń qyzmetkerleri jalǵan kásipkerlermen jasalǵan kúdikti kelisimder boıynsha jalpy somasy 600 mln. teńgege teń býhgalterlik qujattardyń (esep-faktýra, fıskaldyq chekter, kassalyq orderlerge túbirtekter, eńbek demalysyna ústemeaqylar) jasalǵanyn anyqtady.

«Jalǵan kásipkerler zańsyz negizde tús­ken aqshalaı tabystyń belgili bir paıyzyn qam­qorlyq jasaǵany úshin Almaty qalasy salyq departamenti dırektorynyń orynbasaryna tólep otyrǵan», – delingen habarlamada.

Ústimizdegi jyldyń 7 tamyzynda Almaty qalasy boıynsha salyq departamenti basshysynyń orynbasary B.Ájinurovqa qarsy qyzmettik babyn asyra paıdalaný (Qylmystyq kodekstiń 307-baby 2-tarmaǵy) faktisi boıynsha qylmystyq is qozǵaldy.

Keıin B.Ájinurovtyń ózi de jalǵan qujat jasap bergeni úshin 26 mln. teńge kóleminde para alyp jatqan jerinde qolǵa tústi. Sondaı-aq, onyń kabınetin tintý kezinde 30 myń dollarǵa jýyq aqsha men ózge de jalǵan kásipkerler qujattary tabylǵan.

«Qazir bul qylmystyq is boıynsha tergeý bastaldy. Onyń nátıjesi keıin habarlanatyn bolady», – dep málimdedi Almaty qalalyq qarjy polısııasynan.

Sultan BOZAIǴYR.