Esigin men ımene attaǵan mekteptiń qurylǵanyna bıyl 50 jyl tolǵaly otyr. QazMÝ-diń fılologııa fakýltetin bitirip, joldamamen Aqjal eldi mekenine keldim. Alǵan bilimimdi shákirt júregine jetkizgenshe asyǵýdamyn. Bul 1974 jylǵy 1 qyrkúıek edi. Qaýmalaǵan shákirtter, aıaýly ustazdar qaýymy jyly shyraımen qarsy aldy.
Esigin men ımene attaǵan mekteptiń qurylǵanyna bıyl 50 jyl tolǵaly otyr. QazMÝ-diń fılologııa fakýltetin bitirip, joldamamen Aqjal eldi mekenine keldim. Alǵan bilimimdi shákirt júregine jetkizgenshe asyǵýdamyn. Bul 1974 jylǵy 1 qyrkúıek edi. Qaýmalaǵan shákirtter, aıaýly ustazdar qaýymy jyly shyraımen qarsy aldy.
Birinshi toqsannyń qorytyndysy meniń isimniń saralanar sáti boldy. Oqý isiniń meńgerýshisi Shárken aǵaıdyń: «Ustazdyq joldy durys bastady, keleshekte jaqsy muǵalim shyǵady», – degen sózin eshqashan umytpaımyn. Sol kúnnen bastap shákirtke, ustazdyqqa degen súıispenshiligimniń artýyna kóp eńbektenýge týra keldi. Bul jolda aǵalyq, apalyq aqyldaryn aıtqan aıaýly ustazdarǵa máńgilik qaryzdarmyn. Ol kezde mektepte er muǵalimder kóp bolatyn. Ustazdyq jolda er adamdardyń róli joǵary ekenin áli de aıtyp kelemin. Mysaly: Muqataev Sh., Isataev T., Zakırov A., Ilıasov T., Ábdirov M., Adamın S., Qyzdarbekov Q., Ibraev A., Áınekov О́. keremet adamdar edi.
О́zderiniń bilimderimen, aqyl-keńesterimen, is-áreketterimen, úlgi-ónege bolǵan ustaz apaılardyń eńbegi de az emes. Olar: Muqataeva M., Salına Q., Kúlmaǵanbetova G., Tileýberlına B., Mýtalıpova Z., Tileýberlına O., Syrǵabekova G., Qusaıynova N., Bakısheva M., Ahanova G., Shýtenova R. t.b. bolatyn.
Bıyl meniń mektebimniń qanat jaıyp, san myńdaǵan shákirtterdiń qımas mekenine aınalǵanyna 50 jyl tolǵaly otyr. Sony oılaǵanda osy bilim uıasynyń keshegisi men búgingisi kóz aldymnan úzdiksiz ótedi. Mektep 1963 jyly osy Aqjaldaǵy Shkolnaıa kóshesinde irgetasy qalanyp, qyrkúıek aıynan bastap shákirtter qabyldanǵan. 2005 jyldan beri akademık, hımık Shárban Battalova esimimen atalady. Bul kisi elimizge belgili úlken ǵylym ókili bolǵan adam. Osy óńirdiń týmasy ol apamyz týraly derekter jınamaq bolyp Almaty qalasyndaǵy S.Zımanov aǵaımen kezdesýge bardym. Sonda Salyq aqsaqal: «Shárban óte eńbekqor, qarapaıym, zeıindi, ójet, ótkir jan edi. Sondyqtan qaraǵym Sárýar, senderdiń de shákirtteriń osy apalaryńa laıyqty bolsyn», degen jyly sózin aıtqan bolatyn. Mektebimizge kelip, kezdesý ótkizgen kezde de osy pikirin qaıtalaǵan zańger ǵalymnyń úni áli qulaǵymyzda tur.
San myńdaǵan shákirt ushyrǵan mektep óziniń túlekterin únemi maqtan tutady. Solardyń biri – Parlament Májilisiniń depýtaty N.Ábdirov. Odan keıin QRPM departament dırektorynyń orynbasary M.Sháıkenovti, ekonomıka ǵylymdarynyń kandıdaty, Eýrazııa Ulttyq ýnıversıtetiniń oqytýshysy Q.Sarmantaevty, Almatydaǵy «Alataý» baspa korporasııasy prezıdentiniń keńesshisi О́.Baıashev pen ál-Farabı atyndaǵy QazUÝ-dyń oqytýshysy, fılologııa ǵylymdarynyń kandıdaty Q.Muqataevany atap aıtýǵa bolady.
Shákirtter – mektep qýanyshy, maqtanyshy. Olar keıingi túlekterge úlgi bolady. Ozat oqýshylar týraly synyp saǵattarynda, jıyndarda aıtylyp júredi. Mekteptiń qabyrǵasynda sýretteri turǵan «Altyn belgimen» marapattalǵan ul-qyzdar respýblıka, oblys, aýdan kóleminde eńbek etip júr. Kóbi shetelderden bilim alyp, qazir Almaty qalasynda eńbek joldaryn jalǵastyryp keledi. Olar: Adamına B., Bakısheva G. Al úsh tildi jete meńgergen Toǵanbekova J. bilimin Amerıka Qurama Shtattarynda jalǵastyrýda.
«Shákirtsiz ustaz – tul» demekshi, bul mektepte aıtýly ustazdar óz ómirleriniń barlyq qyzyqty da qıyn kúnderin osynda ótkizip keledi. Atap aıtarymyz, mekteptiń basshylary bolǵan: Dosymhanov N., Arystanbekov A., Qyzdarbekov Q., Asýbaeva Q., Ábdirov M., Adamın S., Núrkeev D., Boger M., Kýrlaeva L., Júnisova S., Janasbaeva G. sııaqty ázız jandar ár kezderi oqýshylardyń sanaly bilim, sapaly tárbıe alýlaryna aıryqsha kóńil bólgen. Joǵaryda atalǵan basshylardyń isin jalǵastyrýshy mektep dırektory Isaeva A. men oqý isiniń meńgerýshisi Begımova G. Elbasymyzdyń halyqqa bilim berýge baılanysty qoıǵan talaptaryn oryndap, ter tógip júrgen jandar.
Y.Altynsarın atamyz aıtpaqshy: «Muǵalim – mekteptiń júregi». Endeshe, osy jolda eńbek etken aıaýly ustazdardyń eńbegi eshqashan umytylmaıdy. Osy bilim uıasynyń ystyǵyna kúıip, sýyǵyna tońyp, ujymnyń abyroıyn oılap júrgen ustazdar qanshama! Olar: Janasbaeva G., Bartenova S., Arystanbekova R., Abjapparova R., Ibajanova B., Begımova G., Mahmetova S., Júnisova S., Bekısheva B., Karına S., Altynbekova M., Qusaıynova M., Seıtjapar S. Sııaqty jandar. Bul ar ónegeli ómirlerimen, sapaly bilimderimen, úlgili tárbıelerimen shákirtteriniń júregine jol taýyp, oqýshylarmen balasha tildesip, bar bilgenderin ortaǵa jaıyp salatyn pedagogtar. Qyzyǵy da, qıyny da shytyrman oqıǵaǵa toly ustazdar ómirlerine qyzyǵa da tamsana qaraısyń. Osy ustazdar mekteptiń, altyn uıanyń júregi desek artyq bolmas. О́ıtkeni, barlyq is-sharalardyń ortasynda belsendi qyzmetter atqarady. О́mirdiń keıbir qıynshylyqtary men qyzyqtaryna shákirtterin tynymsyz eńbekterimen tárbıeleýde.
Qazir Elbasynyń Joldaýy aldymyzǵa jastarǵa bilim, tárbıe berýde úlken talaptar qoıýda. Soǵan laıyqty shákirtter tárbıeleý – mindetimiz. Mektep jyl saıyn jas mamandarmen tolyǵýda. «Ustazdyq etken jalyqpas, úıretýden balaǵa», dep Abaı atamyz aıtqandaı, irgetasy qalanǵanyna 50 jyl tolyp otyrǵan mektebimiz ujymynyń eńbekterine sáttilik, denderine saýlyq, shyǵarmashylyq tabys tileımin.
Sárýar MAHMETOVA,
Qazaqstan Respýblıkasy oqý isiniń úzdigi, joǵary sanatty ustaz.
Qaraǵandy oblysy,
Shet aýdany,
Aqjal kenti.