QHR men shekaralas memleketterden kelgen azamattarǵa monıtorıng jalǵasýda. Bul týraly Densaýlyq saqtaý mınıstrliginiń baspasóz qyzmeti habarlady.
Máselen, 2020 jylǵy 6 qańtardan 8 aqpanǵa deıin elimizge 30827 adam keldi.
6 qańtar - 8 aqpan aralyǵynda Densaýlyq saqtaý mınıstrligi Taýarlar men qyzmetterdiń sapasy men qaýipsizdigin baqylaý komıtetiniń sanıtarııalyq-karantındik pýnktteriniń mamandary halyqaralyq áýejaılarda jáne temirjol vokzaldarynda Qytaımen shekaralas memleketter arqyly ótkizý pýnktterinde – 30804 adamdy qarap-tekserdi.
JRVI belgilerimen 127 adam kópshilikten oqshaýlanyp, emdeýge jatqyzyldy, onyń 106 shyǵaryldy, qazir stasıonarlarda medısınalyq baqylaýda 21 adam qaldy.
Qazaqstan Respýblıkasynyń 83 evakýasııalanǵan azamattarynyń 13-inde jeńil dárejeli JRVI klınıkasy jalǵasýda, kataraldy qubylystary bar, dene qyzýy kóterilmegen.
QHR Ýhan qalasynan Reseı Federasııasyna (Túmen oblysy – 3 adam) jáne О́zbekstan Respýblıkasyna (5 adam) evakýasııalanǵan Qazaqstan Respýblıkasy azamattarynyń jaǵdaıy qanaǵattanarlyq, dene qyzýy joq, JRVI belgileri men shaǵymdary anyqtalǵan joq.
Emdeýge jatqyzylǵandardyń barlyǵynyń synamasyn qosymsha baqylaý úshin Almatydaǵy Aıqymbaev atyndaǵy asa qaýipti ınfeksııalar ulttyq ǵylymı ortalyǵyna jiberildi. Bul ortalyq jańa koronavırýsty PTR-dıagnostıkalaý ádistemesin ıgergen.
Respýblıkada qoldaýshy terapııa úshin qajetti dárilik zattar men medısınalyq maqstattaǵy buıymdar bar, ınfeksııalyq aýrýhanalarda oqshaýlaýǵa arnalǵan bokstar bar oryndar, dárigerlik jáne orta medısına personaly daıyndalǵan.
Bul jaǵdaı Densaýlyq saqtaý mınıstrliginiń turaqty baqylaýynda ekenin atap ótý qajet.
Resmı aqparatty Densaýlyq saqtaý mınıstrliginiń Feısbýktegi paraqshasynan oqı alasyzdar jáne týyndaǵan suraqtar boıynsha 1406 nómiri boıynsha táýlik boıy jumys isteıtin Call-ortalyǵyna qońyraý shalýǵa bolady.