Prezıdenti Qasym-Jomart Toqaev Jambyl oblysynyń ákimi A.Myrzahmetovke Jambyl oblysy Qordaı aýdanynda kisi ólimine, turǵyn úılerdiń qırap, azamattardyń dúnıe-múlikteriniń búlinýine ákep soqtyrǵan oqıǵaǵa baılanysty oblys ákiminiń áleýmettik máseleler jónindegi orynbasary S.Qurmanbekovany jáne Qordaı aýdanynyń ákimi B.Baıtóleni jumystaryna salǵyrt qaraǵany úshin qyzmetinen bosatýdy tapsyrdy. Bul týraly Aqordanyń baspasóz qyzmeti habarlady.
Sonymen qatar Memleket basshysy Ishki ister mınıstri E.Turǵymbaevqa Jambyl oblystyq Polısııa departamentiniń bastyǵy A.Orazalıevti jáne Qordaı aýdandyq polısııa bóliminiń bastyǵy A.Aıqymbekovti qyzmetinen alýdy tapsyrdy.