Aǵylshyn saıahatshysy Semeıde

Semeıge aǵylshyndyq saıahatshy Ýılıam Djonson keldi.

Semeıge aǵylshyndyq saıahatshy Ýılıam Djonson keldi.

Ol Anglııadan bas­tap, búkil álemdi aralap keledi eken. Bul sapary jolynda Qazaqstan oǵan 30-ynshy el bolyp tur. 23 jasar jigit –Oksford ýnıversıtetiniń stýdenti. Ýnıversıtette ekonomıkany oqyp, bos ýaqytynda velo­sportpen aınalysqan. Sonyń nátıje­sinde ol velosaıahat jasaýǵa qumar bolyp­ty. О́tken jyldyń naýryzynda ol jer jú­zine saıahat jasaýdy bastap, jarty jyl ishinde Fransııa, Germanııa, Eýropa, Ortalyq Azııa elderinde bolǵan. Mine, endi Qazaqstandy da aralap kele jatyr.

– Men Qazaqstannyń Anglııadan álde­qaı­da úlken ekendigin kórdim, – deıdi ol. – Jol uzaq. Ár 200-300 shaqyrym saıyn toqtap otyrdym. Jol boıynda dám­ha­nalar kezikti. Sapar barysynda tamaq­ty únemdeý kerek boldy. Áıtpese, jol uzaq­tyǵynan kelesi tamaq ishetin jer­ge jetpeı de qalýym múmkin edi. Onyń ústine jalǵyz óziń jol boıynda kele jatyp, ishiń pysady, eshkimmen til qatys­paısyń.

Semeılik stýdentter aǵylshynnyń ózi kelgenine qýanyp, sol tilde sóılesip qaldy. Áńgime-dúken qyzyqty ótti. Endi Qazaqstannan keıin Ýılıam Reseıge sapar shekpek. Novosibir men Irkýtskiden keıin Mońǵolııaǵa barmaqshy.

Raýshan NUǴMANBEKOVA.

SEMEI.