16 qańtardan 1 qazanǵa deıin temir joldardaǵy kópirdiń tirek bóliginiń kúrdeli jóndelýine baılanysty Bógenbaı batyr dańǵylyndaǵy Ýálıhanov kóshesinen Aqjol kóshesine deıingi ýchaskede kóliktiń barlyq túrlerine qozǵalys shekteldi. Bul týraly Aqordanyń baspasóz qyzmeti habarlady.
Qozǵalys shekteýlerine baılanysty jolaqtardyń sany ár baǵytta 4-ten 2-ge deıin azaıady. Atalǵan ýchaskedegi júktemeni azaıtý úshin avtobýs marshrýttaryn qospaǵanda, kópirden solǵa Sh.Ýálıhanov kóshesine burylýǵa ýaqytsha tyıym salynǵan.
Sondaı-aq shamadan tys júktemeni aldyn alý úshin jaqyn mańdaǵy qıylystarda janama sharalar ótkiziledi. Elorda turǵyndary men qonaqtaryna qala joldarynda keptelisterdi boldyrmas úshin marshrýttaryn aldyn-ala josparlaý qajettigi eskertiledi.