Bas qalada «Biz birgemiz» aksııasy jalǵasyp jatyr. Búgin qalalyq eriktiler qataryna engen Medısına-tehnıkalyq kolledjdiń stýdentteri kópbalaly ana Sulýshash Turlannyń aýlasyn qardan tazalaýǵa kómektesti. Bul týraly Aqordanyń baspasóz qyzmeti habarlady.
Eriktiler shtaby jyl basynan beri aksııa aıasynda 100 otbasyǵa kómek kórsetti. Qazirgi kezde 7 baǵyt boıynsha volonterlerdi qabyldaý jumystary júrgizilip jatyr:
- «Saýlyq» jobasy aıasyndaǵy medısınalyq erikti – naýqasty kútýge kómek kórsetý;
- «Taza álem» jobasy – qorshaǵan ortany qorǵaý, ózender men ormandardy tazalaý, aǵash otyrǵyzý, qoqysty suryptaýǵa úıretý;
- «Asyl Mura» jobasy – halqymyzdyń materıaldyq jáne rýhanı mádenı-tarıhı murasyn saqtaýǵa volonterlerdi tartý;
- «Qamqor» jobasy qarttar úılerindegi eriktilerdiń jumysyna baǵyttalǵan;
- «Bilim» jobasy – aýyldyq mektepterdiń joǵary synyp oqýshylaryna UBT-ǵa daıyndyq, aǵylshyn tili men kompıýterlik saýattylyqqa oqytý boıynsha volonterlik kómek.
- «Úmit» jobasy – ekinshi dúnıejúzilik soǵystaǵy jeńistiń 75 jyldyǵyna oraı otandastarymyz týraly baıandaıtyn qujattardy izdeýge baǵyttalǵan.