Memleket basshysy Ishki ister mınıstri Erlan Turǵymbaevtyń Jambyl oblysy Qordaı aýdanyndaǵy jaǵdaıdy turaqtandyrýǵa baılanysty qabyldanyp jatqan sharalar jaıynda esebin tyńdady. Bul týraly Aqordanyń baspasóz qyzmeti habarlady.
Qasym-Jomart Toqaev mınıstrge oblystaǵy ahýaldy qatań baqylaýǵa alyp, azamattardyń qaýipsizdigine jáne elimizdiń abyroıyna nuqsan keltiretin osyndaı oqıǵalarǵa jol bermeý maqsatynda quqyqtyq tártipti qamtamasyz etýdi tapsyrdy.
Qoǵamdyq tártipti buzyp, kisi ólimine jáne dúnıe-múliktiń búlinýine ákep soqtyrǵan buzaqylar zańǵa sáıkes jaýapkershilikke tartylýy tıis.