Qazaqstan Respýblıkasy Prezıdent Ákimshiligi qyzmetkerleriniń sany jaıynda aıtyldy. Bul týraly Berik Ýálı óziniń Facebook paraqshasynda jazdy.
«Áleýmettik jelilerde Memleket basshysy apparaty qyzmetkerleriniń sany 3 myń adam degen jalǵan (feık) aqparat tarap jatyr. Shyndyǵynda Prezıdent Ákimshiliginde 408 adam jumys isteıdi. Onyń ishinde Qaýipsizdik keńesiniń 50 qyzmetkeri de bar. Buqaralyq aqparat quraldary ókilderi men áleýmettik jeli qoldanýshylaryn naqty derekke súıenýge jáne shyndyqqa janaspaıtyn aqparatty taratpaýǵa shaqyramyz. Jalǵan aqparatty qasaqana taratqandardyń jaýapkershilikke tartylatynyn eskertemiz», - dedi Berik Ýálı.