Aýdan turǵyndarynyń aldynda ótken jyldy qorytyndylap esep bergen Sultanbek Mákejanov buǵan deıin de 4-5 kezdesý ótkizgen bolatyn. Kezekti basqosý Alataý yqshamaýdanynda ótti.
Ákimmen júzdesýge kelgen turǵyndardy kógildir otyn men ortaq káriz júıesine qosylý jaıy alańdatyp otyr. Sondaı aq aýdan aýmaǵyndaǵy qańǵybas ıtterdiń máselesi de aıtylmaı qalǵan joq. Turǵyndar jumyssyzdyq jaıyn tilge tıek etip, kópbalaly analarǵa kómek kórsetilse degen tilek bildirdi.
– 12 myń turǵyny bar yqshamaýdanǵa bir ýchaskelik polıseı men kómekshi ǵana bólingen. Olardyń jumys isteý kestesi men shtattyq qurylymyn qaıta qaraımyz. Aýdandyq polısııa basqarmasymen sóılestim. Másele 1 aı ishinde sheshiledi. Osynda keminde 3 tártip saqshysy bolady. Sol kezde urlyq, tonaý derekteri azaıady dep oılaımyn. Sebebi, Alataý yqsham aýdanyna kirip-shyǵatyn 2 jol bar. Oǵan qosa, «Qaýipsiz qala» baǵdarlamasy aıasynda birneshe joba qaralyp jatyr», – dedi Medeý aýdanynyń ákimi Sultanbek Mákejanov.