ÁLI DE ALAŃDAÝShYLYQ BAR

Qystyń qaharly, tolassyz bo­ran­dy-shashyndy bolýy kendialtaı­lyqtardy shyńdaı túskendeı. Ob­lys­tyń ońtústik aýdandarynda oryn alǵan tasqyn sý 50 myńǵa tarta maldy shyǵynǵa ushyratty, 1 myńǵa tarta otbasy úı-kúısiz qaldy. Jaǵ­daı óte kúrdeli, qalyń jaýǵan qar­dyń áli “murty” da shaǵylǵan joq. Tarbaǵataı jáne Zaısan aýdandary­nyń birneshe aýyldarynda úıleri jaramsyz bolyp qalǵan kóptegen jan­dar klýbtar men mektepterde turyp jatyr. Olarǵa túrli jaǵdaı jasalǵanymen, adamdar alańdaýly. Syn sátte elimiz ben oblys turǵyn­darynan kómek bola ma degen úmit te joq emes. Jaqynda apattan zar­dap shekkenderge arnalyp arnaıy esep-shot ashyldy. О́tken jumada Kólik jáne kom­mý­nıkasııa mınıstrligi “Qazaqav­to­jol” RMK oblystyq fılıalynyń dırektory Serik Aqtanovtyń bas­tamasymen baspasóz ortalyǵy ashy­lyp, aqparat quraldary ókilderiniń basyn qosty. Bul ózi aýa raıy qolaısyz, tabıǵaty kúrdeli Kendi Altaı turǵyndary úshin asa qajet mekeme bolatyn. Jıyndy ashqan Serik Qasymbekuly biraz jaılardan maǵlumat bere ketti. 2009-2010 jyldyń qysyndaǵy qatty aıaz, ásirese, bizge aýyr boldy. Sebebi, respýblıkalyq joldardyń myńdaǵan shaqyrymyna biz jaýap beremiz. Ústimizdegi jyldyń 14 qańtarynan qatty aıazdar bastaldy. Tipti keıbir aımaqta aıazdyń kúshi mınýs 53 gradýsqa jetti. Úrjar, Kók­pekti, Zaısan, Tarbaǵataı, Kúr­shim, Abaı, Qatonqaraǵaı, Zyrıan aýdandarynda sońǵy 30-40 jylda qardyń bıylǵydaı mol bolýy baı­qalmaǵan. Mine, sondyqtan úzdiksiz burqasyn respýblıkalyq mańyzy bar avtokólik joldarynda tótenshe jaǵdaı qalyptastyrdy, dedi Serik Aqtanov. Kólik joldary men qardyń taý bolyp úıilýi saldarynan úlken dáliz­der paıda boldy. Máselen, Severnoe tóte jolynyń eki jaǵy quz jartas bolǵandyqtan, ony tazalaý múmkin emes. Qazir Zyrıan, Qatonqaraǵaı baǵyttaryna aınalma jolmen júrip jatyr. Osy baǵyttaǵy bıik taýlarda qar kóshkini bolýda. Ol da qaýipti. Sondyqtan basqa da joldardy jabýǵa týra keledi. Qysta 122 birlik jol tehnıkasy uıymdastyryldy. Basqa oblystardan 26 qar tazalaý tehnıkalary jiberildi. Onyń ishinde Aqmola oblysy bir býldozer men bir avtogreıder, Almaty, Pavlodar, Qaraǵandy, Soltústik Qazaqstan, Ońtústik Qazaqstan oblystary barlyǵy 26 tehnıka jiberip, syn sátte qaıyrymdylyq qoldaryn sozdy. Sharýa qojalyqtary men jol mekemeleri 60 tehnıka jiberipti. 3420 shaqyrymǵa sozylatyn joldyń boıyn qardan tazartý, 2636 sý júrgizetin qubyrlardy ashý jáne 256 kópirdi daıyndaýmen shuǵylda­nyp jatyrmyz. Búginge deıin 1210 sý júretin qubyrlar, 256 kópir daıyn­dyqtan ótti. Alaıda, jeksenbiden bastap aýa raıy sýytyp qana qoımaı, barlyq aımaqtarda qatty burqasyn soǵa bastady. Aıazdyń túsýi tasqyn­nyń aldyn alǵandaı boldy. Biraq kún jylynsa soltústik jaqta da tasqyn sý bola ma degen qaýip joq emes, — deıdi Serik Qasymbekuly. “Meniń qalam” atty qoǵamdyq qor tasqynnan oblys boıynsha zardap shekkenderge arnap arnaıy esep-shot ashty. Qolushyn bergisi keletinder tómendegi esep-shotqa qarjy aýdara alady. “Moı gorod” RNN 181600241871, IIK 000700713, BIK 190901703 AO “Kaspi Bank”  KVE 18 “tasqynnan zardap shekkenderge” degen belgimen. Ońdasyn ELÝBAI, Shyǵys Qazaqstan oblysy.