Keshe L.N.Gýmılev atyndaǵy Eýrazııa ulttyq ýnıversıtetinde Bilim jáne ǵylym mınıstrliginiń Jastar isi komıteti, «Halyqaralyq baǵdarlamalar ortalyǵy» AQ jáne «Bolashaq» qaýymdastyǵynyń, «Nur Otan» HDP Saıası menedjment mektebiniń jáne «Jas Otan» jastar qanatynyń uıymdastyrýymen sheteldegi Qazaqstan stýdentter uıymdarynyń II sleti bolyp ótti.
Keshe L.N.Gýmılev atyndaǵy Eýrazııa ulttyq ýnıversıtetinde Bilim jáne ǵylym mınıstrliginiń Jastar isi komıteti, «Halyqaralyq baǵdarlamalar ortalyǵy» AQ jáne «Bolashaq» qaýymdastyǵynyń, «Nur Otan» HDP Saıası menedjment mektebiniń jáne «Jas Otan» jastar qanatynyń uıymdastyrýymen sheteldegi Qazaqstan stýdentter uıymdarynyń II sleti bolyp ótti.
Onyń jumysyna Qazaqstannyń AQSh, Ulybrıtanııa, Avstrııa, Kanada, Qytaı, Reseı, Chehııa, Ispanııa, Malaızııa, Koreıa jáne Túrkııadaǵy 60 stýdenttik uıymdardan 300-den astam delegat qatysýda. Sonymen qatar, sletke jastar saıasaty boıynsha óńirlik basqarmalar basshylary, jastar uıymdarynyń kóshbasshylary men belsendileri, memlekettik qurylymdardyń, bilim berý, ındýstrııalyq-ınnovasııalyq damý, tehnologııalar salasyndaǵy qazaqstandyq jáne halyqaralyq kompanııalardyń ókilderi men stýdent jastar da kelip qosyldy.
Atalǵan is-sharany ótkizý óz kezeginde shetelderdegi stýdent jastar uıymdarynyń jumysyn úılestirýge oń yqpalyn tıgizýi tıis. Sheteldik jáne elimizdiń stýdent jáne jastar uıymdaryn shoǵyrlandyrý arqyly halyqaralyq aqparattyq alań qurý óte mańyzdy. Sonyń ishinde shetelde halyqaralyq jastar yntymaqtastyǵyn damytý, Qazaqstannyń memlekettik jastar saıasatyn iske asyrý, stýdentter uıymdarynyń problemalaryn talqylaý, memlekettik qoldaý sharalaryn ázirleý, stýdenttiń ózin-ózi uıymdastyrýyn damytý, akademııalyq jáne shyǵarmashylyq utqyrlyqty arttyrýdaǵy jastardyń mindeti men róli áńgime bolmaq.
Otyrysta «Nur Otan» halyqtyq-demokratııalyq partııasy Tóraǵasynyń birinshi orynbasary Baýyrjan Baıbek, Bilim jáne ǵylym vıse-mınıstri Murat Orynhanov, «Ulttyq tehnologııalyq damytý agenttigi» AQ basqarýshy dırektory, «Bolashaq» qaýymdastyǵy keńesiniń múshesi Jumataı Sálimov sóz sóıledi. Aldymen sóz alǵan «Nur Otan» halyqtyq-demokratııalyq partııasy Tóraǵasynyń birinshi orynbasary B.Baıbek Elbasynyń qoldaýynyń arqasynda 70 myńnan astam stýdent alys-jaqyn shetelderde bilim alýda ekendigin atap ótti. Osy rette ol elimiz ben sheteldik joǵary bilim oshaqtarynda oqyp júrgen jastardyń bilimi qazirgi zaman talabyna saı ekendigine de toqtaldy.
«Bolashaqta sheshimin kútken máseleler kóp. Ony nátıjeli sheshý úshin bilimdi ári kózqarastary keń, patrıottyq sezimderi joǵary jastar kerek. О́zderińizdiń bilimderińizben Elbasynyń tiregi bolarsyzdar dep senemin», – dep qorytty sózin Baýyrjan Qydyrǵalıuly. Al Bilim jáne ǵylym vıse-mınıstri M.Orynhanov birqatar ońdy nátıjelerge toqtaldy. Onyń aıtýynsha, 2012 jyldyń ózinde ǵana qazaqstandyqtar tarapynan 1405 maqala halyqaralyq ǵylymı jýrnaldarda jaryq kórgen. Bul 2010 jylmen salystyrǵanda eki esege artyq, al osy jyldyń birinshi jartyjyldyǵynda jaryq kórgen maqalalardyń sany 968-ge jetipti.
Sheteldegi stýdentterdiń ózin-ózi uıymdastyrýynyń ózekti máseleleri AQSh-taǵy Qazaqstannyń stýdentter alıansynyń prezıdenti Dıas Jorabekovtiń, Shanhaı qalasyndaǵy «Bolashaq» stýdentter qaýymdastyǵynyń prezıdenti Tilektes Adambekovtyń, Ulybrıtanııadaǵy Qazaqstan stýdentteri qaýymdastyǵynyń prezıdenti Mádına Tompıevanyń, Máskeý qalasyndaǵy «Atameken» qazaqstandyq stýdentter birlestiginiń tóraǵasy Arman Bármenbaevtyń sózderinde ataldy.
Budan basqa is-shara aıasynda shetelde oqyp jatqan jáne respýblıkalyq jastar uıymdary men birlestikteriniń iskerlik baılanystary jolymen áleýmettik kapıtaldy keńeıtý áleýeti «Jas Otan» JQ uıymdastyrǵan dóńgelek ústelde talqylandy. Sonymen qatar, áleýmettik qorǵaý, mádenıet pen óner, týrızm men sport salasyndaǵy, onyń ishinde «G-Global» suhbat alańy arqyly jastardyń yntymaqtastyq perspektıvalary jas belsendiler men shaqyrylǵan sarapshylardyń qatysýymen ótken dóńgelek ústelde jáne suhbat alańynda talqyǵa tústi.
Shara aıasynda «Bolashaq» qaýymdastyǵy músheleri uıymdastyrǵan «Qazaqstannyń eńbek naryǵy jaǵdaılarynda mansaptardy josparlaý», «Bıznesti júrgizý: ınvestısııalardy tartý», «