Aqparattar aǵyny

Turǵyn úı qurylysy boıynsha jyldyq jospardyń 45 paıyzy oryndaldy. Bıyl «Qoljetimdi baspana-2020» baǵdarlamasy aıasynda 6,6 mln. sharshy metrden astam turǵyn úı tapsyrý kózdelgen.

Turǵyn úı qurylysy boıynsha jyldyq jospardyń 45 paıyzy oryndaldy. Bıyl «Qoljetimdi baspana-2020» baǵdarlamasy aıasynda 6,6 mln. sharshy metrden astam turǵyn úı tapsyrý kózdelgen.

Astanada shildede 350-den astam jańa kásiporyn men uıym ashyldy. Jańadan tirkelgen sýbektilerdiń negizgi bóligi Almaty jáne Saryarqa aýdandarynda shoǵyrlanǵan.

Pavlodar oblysynda «Jaılaý» baǵdarlamasyna 200 mln. teńge bólindi. Onyń aıasynda óńirdiń aýyl turǵyndaryna qaıtarý negizinde «Bir adamǵa – 100 bas qoı» bastamasy boıynsha qoılar beriledi. Bes jyl ótken soń baǵdarlamanyń árbir qatysýshysy memleketke 1 basqa 2 qoıdan qaıtarýy kerek.

Jambyl oblysynda Batys Eýropa-Batys Qytaı kó­lik dáliziniń jańa bóligi is­ke qosyldy. 48 shaqyrymdyq aralyqqa 2 kópir men 50-den astam sý ótkizetin qubyr salyndy.

Oraza aıty kúnderi Qos­tanaı oblysynda jańa meshit paıdalanýǵa berildi. Qashar kentinde boı kótergen quthanany musylman qaýymyna Sokolov-Sarybaı ken-baıytý óndiristik birlestigi salyp berdi.

Jyl basynan beri Al­ma­tydaǵy «Medeý» saıabaǵyna 4460 aǵash otyrǵyzyldy. Onyń 4160-y qylqan japyraqty aǵash, 300-i qaıyń.

Qazaqstanda jer zań­na­masy aıasynda 2 210 zań buzý­shylyq anyqtaldy. Osyǵan oraı 1895 oqıǵa boıynsha jalpy somasy 296 mln. teńge kóleminde aıyppul túrinde ákimshilik yqpal etý sharalary qoldanyldy. Al 273 jaǵdaıda eskertý jasaldy. Sonymen qatar 2011 jyly salynǵan 569 aıyppuldyń bıyl 89,9 mln. teńgesi óteldi.

Elimizdiń úsh aımaǵynda ortalyqtandyrylǵan sýmen qamtamasyz etý tómengi qal­pynda qalyp tur. Atap aıtqanda, qazir Qyzylorda oblysynda bul kórsetkish 55 paıyzdy, Jambyl oblysynda 77 paıyzdy, BQO-da 79 paıyzdy qurap otyr.

Oral qalasynda eki adam esirtkimen qolǵa tústi. «Kóknár» jedel aldyn alý sharasy barysynda polıseıler olardyń qaltalarynan 1,23 jáne 1,86 gramm geroın tárkiledi.

«QazAqparat», «Qazaqstan jańalyqtary», Bnews.kz, TengriNews, EgemenNews habarlary boıynsha daıyndaldy.