Qordaıdaǵy jaǵdaı, qoǵamdaǵy túrli talqyǵa túsken taǵdyrlar eshkimdi beıjaı qaldyrmaǵany anyq. Birneshe adam shyǵyny boldy. Qaza bar jerde jaza da bolary anyq. Ony quzyrly organdar tergep, teksere jatar. Meniń aıtpaǵym, memleket quraýshy ult – qazaq halqynyń haqy jaıynda.
Iá, memleket quraýshy ult qazaq halqy ekenine eshkimniń daýy joq. Biraq biz memleket quraýshy ult retinde biriktirýshi ultqa aınala aldyq pa degen saýal meni jıi mazalaıdy.
Osy turǵydan alǵanda, ulttyq qundylyqtarymyzdy qurmetteýdi, salt-dástúrimizge saı ómir súrip, dinimiz ben tilimizdi berik ustanýda, ózgelerge úlgi bolýǵa tıispiz. Qazaq «О́zińdi – óziń jattaı syıla, jat janynan túńilsin» deıdi. О́zge ult ókilderi qazaq halqyn qurmettesin desek, birinshi kezekte ózimizdi ózimiz syılap, basqaǵa syılata bilýimiz kerek. Eregispen júrip enshi alý bizdiń qanymyzda joq qasıet. Eldiń bereke-birlikte kún keship, qoǵamdyq-saıası ahýaldyń turaqty bolýyna memleket quraýshy ult retinde birinshi kezekte qazaq halqy jaýapty. Al ózge ult ókilderi dástúrimizdi dáriptep, tilimiz ben dinimizdi syılap, zańymyzdy qurmettep, memlekettik tildi meńgerip, jattyǵyn sezdirmese, bizdiń de olarǵa qashanda qushaǵymyz ashyq. Táýelsiz elimizde, óz jerimizde birligimizben qazaqtyń tóńireginde birikken bir el bolyp, ónegemizben ózgeni baýyrymyzǵa basa bileıik.
Berik ÁBDIǴALIULY,
Ulytaý aýdanynyń ákimi