Dzıýdodan Parıjde ótken Grand Slam dodasynan keıin álemdik reıtıng qaıta jańartyldy.
Aıtýly jarysta Qazaqstan quramasynyń qorjynyna bir kúmis jáne bir qola júlde túsken edi. 60 kıloda qola júlde ıelenip, 500 upaı oljalaǵan Eldos Smetov álemdik reıtıngtegi ekinshi ornyn saqtap qaldy. Al kúmis medaldiń ıegeri Jansaı Smaǵulov óz reıtıngine 700 upaı qosyp, 73 kılo salmaqtaǵy balýandar arasynda jeti satyǵa joǵarylap, 24-orynǵa turaqtady.
TOP-20 dzıýdoshynyń qatarynda qazaqstandyqtardan tórt-aq balýan bar. 60 kılodaǵy Ǵusman Qyrǵyzbaev – 7, 66 kılodaǵy Erlan Serikjanov – 10, Eldos Jumaqanov – 18, Islam Bozbaev – 19-oryndarǵa jaıǵasqan.