Elorda ákimi Altaı Kólginov kezekti ret qabyldaýǵa jazylǵan turǵyndarmen kezdesti. Azamattar turǵyn úı baǵdarlamalaryna qatysý, áleýmettik kómek alý, úlestik qurylys nysandary, sportty damytý máselelerin kóterdi. Bul týraly Nur-Sultan qalasy ákimdiginiń baspasóz qyzmeti habarlady.
Erekshe qajettiligi bar balany tárbıelep otyrǵan áıelge medısınalyq kómek alýǵa jáne balany balabaqshaǵa ornalastyrýǵa kómek kórsetiledi. Elordada erekshe kútimdi qajet etetin 5,5 myń bala bar.
Bıyl ınvataksı sany 36-dan 56-ǵa deıin artty. Qalada eki ońaltý ortalyǵy salynady. Ippoterapııamen aınalysýǵa arnalǵan at sporty kesheniniń qurylysy bastaldy. Budan basqa, jańa turǵyn úı keshenderiniń birinshi qabattarynda balalarǵa arnalǵan shaǵyn ortalyqtar, ońaltý ortalyqtary, emhana syndy áleýmettik nysandar ashylady.
Elorda ákimi Altaı Kólginov qala turǵyndaryn qabyldaý máseleni naqty sheshýge jol bastaıtyndyǵyn, alaıda júıeli sharalar qabyldaý qajet ekendigin aıtty.
«Azamattardyń qabyldaǵan kezde jeke turǵynǵa ne otbasyǵa kómek kórsetiledi, alaıda júıeli sharalar qabyldaý qajet. Adamdar kóp ótinish bildirgen suraqtardy zerdelep, zańnamalyq deńgeıde ózgerister engizý úshin usynystar jasaımyz», dedi qala ákimi Altaı Kólginov.
8 aqpan kúni «Januıa» otbasy ınstıtýtyn qoldaý ortalyǵynda «Ashyq ákimdik» formatynda ashyq esik kúni ótti. Elorda ákimi, ákimniń orynbasarlary, basqarma basshylary men aýdan ákimderi azamattardy qabyldady. Bir kún ishinde 700 adam qabyldandy. Suraqtar jumysqa alyndy.