12 aqpanda qala kóshelerin qardan tazartý jumystaryna 1 462 tehnıka birligi men 1 731 jol jumysshysy tartyldy. Bul týraly Nur-Sultan qalasy ákimdiginiń baspasóz qyzmeti habarlady.
Al 11 aqpannan 12-ne qaraǵan túni qar tazalaý jumystaryna 1 322 tehnıka birligi men 161 jol jumysshysy jumyldyrylǵan bolatyn. Nátıjesinde, 2 743 reıs jasalyp, 32 919 tekshe metr qar shyǵaryldy.
Aıta keteıik, jalpy osy ýaqytqa deıin 3 473 242 tekshe metr qar polıgondarǵa tógildi (284 509 reıs).