Búgin «Bas redaktorlar klýby» qoǵamdyq birlestiginiń esep berý - saılaý konferensııasyndabirlestik prezıdenti men basqarma músheleriniń jańa quramy saılandy.
Klýb prezıdenti retinde Qazaqstan jýrnalıstıkasy akademııasynyń akademıgi, belgili medıamenedjer Bıbigúl Jeksenbaı kandıdatýrasy biraýyzdan qoldaý tapty. Buǵan deıin bul qyzmetti atqarǵan Erlan Bekhojın prezıdenttikten uıymnyń jarǵysyna sáıkes, ókilettiliginiń merzimi aıaqtalýyna baılanysty bosatyldy.
Sondaı-aq Bas redaktorlar klýbynyń músheleri birlestiktiń vıse-prezıdentterin biraýyzdan saılady. Olardyń ishinde –«Ádilet.Rýhanı jańǵyrý» respýblıkalyq gazetiniń bas redaktory Muratbek Toqtaǵazın, «Kazahstanskaıa pravda» respýblıkalyq gazeti» AQ basqarmasynyń tóraǵasy Vıacheslav Pashenko, «Sport»-«Sport» respýblıkalyq gazetiniń bas redaktory Dúısebaı Dúráli, «Sakhara»respýblıkalyq qoǵamdyq-saıası gazetiniń bas redaktorynyń birinshi orynbasary Kenjebolat Joldybaı, belgili bloger Ǵalym Baıtuq bar.