«Qazaqstan» teleradıokorporasııasy basshylyǵynyń sheshimimen Erlan Atambaı «Qazaqstan» RTRK» AQ fılıaly «Kókshe» telearnasynyń dırektory bolyp taǵaıyndaldy. Bul týraly Ulttyq arnanyń Telegram paraqshasy habarlady.
Erlan Nurbaıuly Atambaı televızııa salasynda 20 jylǵa jýyq ýaqyttan beri qyzmet etip keledi. «Qazaqstan» teleradıokorporasııasyndaǵy eńbek jolyn 2013 jyly bastady. «Qazaqstan» Ulttyq telearnasynyń Aqparattyq baǵdarlamalar dıreksııasynyń Bas redaktory, «Qazaqstan» RTRK» AQ Strategııalyq marketıng departamenti konvergenttik redaksııasynyń jetekshisi qyzmetterin atqardy. Búgingi taǵaıyndaýǵa deıin E.Atambaı «Qazaqstan» Ulttyq telearnasynyń Aqparattyq-saraptamalyq baǵdarlamalar dıreksııasynyń dırektory qyzmetinde boldy.