Bul týraly Almaty qalasy ákimdiginiń baspasóz ortalyǵynda ótken jıynda Medeý aýdanynyń ákimi Sultanbek Mákejanov málimdedi.
Este bolsa, ótken jyldyń 5 shildesinde ótken kóshpeli jınalysta qala ákimi Baqytjan Saǵyntaev aýdan basshylaryna qaladaǵy ortasha jóndeýden ótken joldardyń sanyn arttyrýdy tapsyrǵan edi.Osy maqsatta aǵymdaǵy jyly Medeý aýdanynda joldardy kúrdeli jóndeýden ótkizý josparlanýda.
«О́tken jyly barlyq 59 joldy kúrdeli jóndeýden ótkizýge qarjy bólindi. Bul joba turǵyndarmen birneshe ret talqylandy. Biz mamyr, maýsymǵa deıin oń memlekettik saraptama alyp, jazda tolyq asfalttaý qarastyrylǵan jerlerde kúrdeli jóndeý jumystaryn bastaımyz dep boljaımyz», dedi Sultanbek Mákejanov.
Budan ózge, ol joldardy kúrdeli jóndeýden ótkizýge baqylaý jasaý aýdan turǵyndarymen birge júrgiziletinin atap ótti.Búginde atalǵan máseleni tolyq sheshý maqsatynda qalalyq mobıldik basqarmasymen osy kóshelerdi kúrdeli jóndeý jáne abattandyrý jobasy ázirlenýde.