Respýblıkalyq «Jolda qabyldaý» aksııasy aıasynda Qyzylordada shetelden kólik ákelgen azamattarǵa túsindirý jumystary júrgizilýde. Bul týraly oblystyq Polısııa departamentiniń baspasóz qyzmeti habarlady.
Aksııa sheńberinde Jergilikti polısııa qyzmeti, Ákimshilik polısııa men qalalyq Polısııa basqarmasy, aýdandyq bólimder basshylary belgilengen oryndarda azamattardy qabyldaýda.
Mobıldik qabyldaý kezinde turǵyndarǵa Armenııa, Qyrǵyzstan, Belarýs pen Reseıden ákelingen kólikterdiń bizdiń elde rásimdelý tártibi, elektrondyq úkimet portaly arqyly memlekettik qyzmetterdiń qoljetimdigi týraly quqyqtyq keńester berilip jatyr.