Elordanyń Kásipkerler palatasy turǵyndardyń áleýmettik osal toptaryna jatatyn kásipkerlik sýbektileri arasynda kóshe saýdasy obektilerin ornalastyrý úshin jer ýchaskelerin bólý boıynsha usynystarymen birge ótinishterdi qabyldaýdy bastaıdy. Bul týraly Nur-Sultan qalasy ákimdiginiń baspasóz qyzmeti habarlady.
Reglament boıynsha halyqtyń áleýmettik osal toptaryna: UOS múgedekteri men qatysýshylary jáne oǵan teńestirilgen adamdar 1,2 jáne 3 toptaǵy múgedekter, múgedek balalary bar nemese tárbıelep otyrǵan otbasylar, kámelet jasyna tolǵanǵa deıin ata-analarynan aıyrylǵan 29 jasqa tolmaǵan jetim balalar men ata-anasynyń qamqorlyǵynsyz qalǵan balalar jatady.
Sondaı-aq bul topqa «Altyn alqa» jáne «Kúmis alqa» ıegerleri nemese buryn «Batyr ana» atanǵan, sondaı-aq I, II jáne III dárejeli «Ana dańqy» ordenderi men marapattalǵan kópbalaly analar, memleketti nemes qoǵamdyq mindetterdi, áskerı qyzmetti oryndaý kezinde, ǵarysh keńistigine ushýdy daıyndaý nemese júzege asyrý kezinde, adam ómirin qutqarý kezinde, quqyq tártibin qorǵaý kezinde qaza tapqan adamdardyń otbasylary, tolyq emes otbasylar, az qamtylǵan otbasylar jatady.
Reglamentke sáıkes kvota boıynsha jer ýchaskelerin bólý rásimi birneshe kezeńnen turady. Bastapqy kezeńde kvota boıynsha bólý úshin berilýi yqtımal jer ýchaskelerin qalyptastyrý qajet. Osyǵan baılanysty, halyqtyń áleýmettik jaǵynan osal toptaryna jatatyn Nur-Sultan qalasynyń jeke kásipkerlerin saýda nysanyn ornatýdy josparlap otyrǵan jer ýchaskeleri boıynsha (24 m2 aspaý tıis) usynystar berýi shart. Usynystar erkin nysanda jiberilip, kelesi málimetterdi qamtýy tıis:
Qurylystardyń, obektilerdiń, kósheler qıylystaryna baılanystyra otyryp, jer ýchaskesiniń ornalasqan jeri nemese onyń ornalasqan jerin anyqtaýǵa múmkindik beretin basqa da málimetter;
jer ýchaski shemasyn www.genplan.saulet.astana.kz saıttanalýǵa ne basqa ınternet resýrstar;
kóshelerdiń, obektilerdiń nemese qurylystardyńqıylystaryna baılanystyrylǵan jer degi jer ýchaskesiniń fotosýretteri.
Azamattar kelesi qyzmet túrlerimen aınalysa alady: stasıonarly emes saýda-sattyq, daıyn ónimderdi satý, gúl pavılondary, tamaq ónimderin satý, tehnıkalyq servıster obektisi, gazet dúńgirshegi, kádesyı ónimderin satý, turmystyq qyzmet kórsetý nysany, balalardyń bos ýaqytyn uıymdastyrý, jalǵa berý pýnktileri.
О́tinimder 12 aqpannan 13 naýryzǵa deıin myna mekenjaı boıynsha qabyldanady:
Respýblıka dańǵyly, 24, «Parasat» BO, 2 qabat, kásipkerlerdiń quqyqtaryn qorǵaý jáne ákimshilik kedergilerdi azaıtý bólimi. Jumys ýaqyty saǵat 9:00-den 18:30-ǵa deıin. Baılanys telefony: 8(7172) 91-90-84, d.mustafina@atameken.kz.