Qalalyq esirtki qylmysyna qarsy is-qımyl basqarmasynyń uıymdastyrýymen nashaqorlyqty aldyn alý, ýytty zattardyń zııany taqyrybynda bilim berý mekemeleri, kolledj dırektorlary jáne ıývenaldy polısııa qyzmetkerlerimen birlesken dıalog alańy ótkizildi. Bul týraly Nur-Sultan qalasy ákimdiginiń baspasóz qyzmeti habarlady.
Shara barysynda jasóspirimder arasyndaǵy nashaqorlyq, onyń aldyn alý jáne balalarǵa salaýatty ómir saltyn baýlý, jastardyń esirtkimen baılanysty jasalǵan qylmystary men zańdy jaýapkershilik, psıhobelsendi zattar men olardyń analogtaryn qoldanýdyń saldary sekildi máseleler qozǵaldy. Sondaı-aq esirtki qylmysyna qatysty jazany qatańdatý boıynsha normatıvtik aktiler talqylandy.
Sonymen qatar Nur-Sultan qalasynda nashaqorlyq pen esirtki qylmysymen kúresýge baǵyttalǵan memlekettik organdar men úkimettik emes uıymdardyń qyzmetin úılestirý jónindegi vedomstvoaralyq shtabtyń jumysy aıasynda 2020 oqý jylyna arnalǵan esirtkige qarsy birlesken aldyn-alý sharalaryn qabyldaý jóninde sheshim qabyldandy.