Bas prokýratýranyń Quqyqtyq statıstıka jáne arnaıy esepke alý jónindegi komıteti kıber shabýyldardy taldaý jáne tergeý ortalyǵynyń (KShTTO) aqparattyq júıelerden derekterdiń shyǵý týraly habarlamasy boıynsha tıisti tekserý júrgizdi. Bul týraly Bas prokýratýranyń resmı saıtynda jarııalandy.
Ákimshilik quqyq buzýshylyqtar boıynsha derekter Internet jelisinde ashyq túrde qoljetimdi emes ekeni anyqtaldy. Arnaıy sáıkestendirýsiz júıege kirý múmkin emes.
Sonymen qatar KShTTO-men birge júıeniń osaldyǵyna áser etpeıtin jáne saqtalatyn málimetterdi qorǵaý úshin qaýip tóndirmeıtin jekelegen táýekelder anyqtaldy. Qazirgi ýaqytta tehnıkalyq qateler joıyldy.
Jalpy, Komıtet aqparattyq júıelerdi qurý kezinde barlyq jeke jáne zańdy tulǵalardyń derbes derekteriniń saqtalýyna erekshe kóńil bóledi.
Osy maqsatta vedomstvo túrli quzyretti uıymdarmen, onyń ishinde KShTTO-pen yqpaldastyqty júzege asyrady.
Atap aıtqanda, 2018 jyly bekitilgen Memorandýmǵa sáıkes KShTTO-men birge Komıtettiń aqparattyq júıelerin zańsyz qol jetkizý táýekelderine tekserý júrgizildi. Qaýip anyqtalǵan joq.