Abaı atyndaǵy QazUPÝ janyndaǵy Qazaqstan halqy Assambleıasy kafedrasy jáne Stýdenttik «Birlik» Assambleıasynyń uıymdastyrýymen ǵulama, oıshyl Uly Abaıdyń 175 jyldyq mereıtoıyna arnalǵan «Abaıdyń qara sózderi-halyq murasy» taqyrybyndaǵy ádebı-tanymdyq kesh ótti.
Sharany Tárbıe jumysy jáne áleýmettik damý jónindegi prorektor Janatbek Ishpekbaev quttyqtaý sózimen ashyp, «Abaı jyly» ýnıversıtet qabyrǵasynda uıymdastyrylatyn sharalar týraly qysqasha aqparat berdi. Almaty qalasy «Rýhanı jańǵyrý» jobalyq ofısiniń málimetine súıensek, shara stýdent jastardyń Abaı álemin tanyp, shyǵarmashylyǵy turǵysynda keńinen málimet alýǵa múmkindik beredi. Bul sharaǵa ýnıversıtet stýdentteri men magıstranttary qatysyp, Hakim Abaıdyń qara sózderin mánerlep aıtyp, aqynnyń tereń fılosofııalyq oı-tujyrymdaryn óz túsinikteri boıynsha ortaǵa saldy. Belsendi qatysýshylar arnaıy sertıfıkattarmen marapattaldy.
ALMATY