Búgin tańerteń Aqtóbe qalasynda jorlaýshylar avtobýsy men taksı kóligi soqtyǵysty. Saldarynan 26 adam zardap shekti. Bul týraly Polisia.kz saıtyna habarlady.
Qaladaǵy Ǵ.Jubanova men О́.Seıitov kóshesiniń qıylysynda takıs qyzmetine tıesili «Volkswagen Polo» kóligi men №37 baǵyttaǵy «PAZ» avtobýsy soǵysqan. Saldarynan jolaýshylar kóligi aýdarylyp, onda bolǵan 26 adam (19 áıel, 7 er adam) medısınalyq brıgadalar men patrýldik polıseılerdiń kómegimen Aqtóbe qalasynyń Jedel járdem aýrýhanalaryna jetkizildi.
«Jol-kólik oqıǵasyna qatysty tergeý bastaldy. Aqtóbe oblystyq Polısııa departamenti júrgizýshilerdi kóktaıǵaq kezinde jolda asa saq bolýǵa shaqyrady. Jyldamdyq rejimin qatań saqtap, ara-qashyqtyqty ustaný qajet. Sondaı-aq jol erejelerin saqtaýǵa, negizsiz manevrler jasamaýǵa jáne kenetten toqtamaýǵa keńes beredi», - delingen aqparatta.