Prezıdent Ákimshiliginiń kelisimimen jáne Ishki ister mınıstriniń buıryǵymen Aqtóbe oblysy boıynsha Qylmystyq-atqarý júıesi departamentiniń basshysy bolyp Shámshıev Almas Ábjanuly taǵaıyndaldy, dep habarlaıdy Polisia.kz saıty.
Jańa basshyny jeke quramǵa jáne oblys ákimine IIM Qylmystyq atqarý-júıesi komıteti tóraǵasynyń orynbasary Esqalı Salamatov tanystyrdy.
«Almas Abjanov ortalyq apparatta Qylmystyq-atqarý júıesi komıtetinde kóp jyldar boıy eńbek etti. Ol Qylmystyq-atqarý júıesi salasymen jaqsy tanys. Sebebi. Bul baǵytta 20 jyl jumys istegen. Osy kúnge deıin Aqtóbe oblysy boıynsha QAJ departamenti bastyǵynyń mindetin jaýapkershilikpen atqaryp keldi», - dedi E.Salamatov.
Aıta keteıik, 13 aqpan kúni QR IIM Qylmystyq-atqarý júıesi komıtetiniń tóraǵasy aýysty. Vedomstvonyń jańa basshysy Janat Bolatuly Eshmaǵambetov boldy.