Áýe desantshylary áskerleri kúni atap ótilgen juma kúni Aqtóbede osy sala jaýyngerleriniń bir toby araqtyń bótelkelerin Eset batyr kóshesiniń boıyndaǵy kıoskiler men ózderiniń bastaryna uryp jarǵan. Bul týraly «Aktobe-taıms» gazeti habarlady.
«Biz tamyzdyń ekisi kúni dostarymyzben birge «Anvar» dúkeniniń janyndaǵy kafede otyr edik, - dedi gazet tilshisine osy oqıǵany óz kórgenderdiń biri Aleksandr. – Biz kafeniń ǵımarat ishindegi bóliginde boldyq. Al syrttaǵy jazǵy bóliginen alabajaq jeıde men beret kıgen jaýyngerler qaıta-qaıta ishtegi dárethanaǵa kelip jatty. Biz syrtqa shyǵyp, ketkeli jatqanymyzda, daladaǵy ashyq pavılonda 20 shaqty áýe-desant áskerleri soldattarynyń otyrǵandaryn kórdik. Olardy jastary úlkendeý ordendi bireýi basqaryp júrdi. Sol ótip jatqan jurttan óz jigitteriniń qylyqtary úshin udaıy keshirim suraýmen boldy. Al jaýyngerler aıtarlyqtaı mas edi. Solardyń biri bos bótelkeni óziniń basyna uryp jardy. Ekinshi bireýi taǵy bir bos bótelkeni «Anvar» magazıniniń qasyndaǵy kıoskige laqtyryp, kúl-parshasyn shyǵardy. Sosyn biz ketip qaldyq. Odan ary ne bolǵanyn bilmeımiz».
Shyn máninde merekelerin kafede toılap bolǵannan keıin desantshylar Máńgilik alaýǵa qaraı qozǵalady. Kórgenderdiń aıtýlarynsha, biraz jigit máshınege minip alyp, búkil kóshe boıyna «VDV – bul kúsh!» degen aıqaıǵa basady. Qalǵandary kóshe boılap jaıaý tartqan. Biraq uzaqqa bara almaǵan. Jolaı bárin búldirip bara jatqan desantshylardy polısııa toqtatady.
Sultan Bozaıǵyr.