Qazaq eliniń atyn alty qurlyqqa tanytyp, kók baıraǵyn jelbiretken Aýyr atletıkadan tórt dúrkin álem chempıony Ilıa Ilın Shymkentke keldi. Taıaýda ǵana Tashkentte ótken halyqaralyq yntymaqtastyq týrnırinde jeńimpaz atanǵan otandasymyz kezekti saparynda M.Áýezov atyndaǵy OQMÝ jastarymen kezdesti. Eriktiler jylyna oraı uıymdastyrylǵan jıynda áıgili sportshy erikti jastar, jas sportshylar jáne stýdenttermen ashyq suqbat qurdy.
Is-sharany OQMÝ-dyń birinshi prorektory Qaırat Nurmanbetov júrgizip otyrdy.
Ziltemirshi sportta qalaı jetistikke jetý syrlarymen bólisti. Oqytýshylar men stýdent jastar da óz saýaldaryn qoıdy.
– Jaqyn ýaqytta sporttaǵy mansabymdy aıaqtaımyn dep josparlap otyrmyn. Aldaǵy ýaqytta ózimdi sport menedjeri retinde synap kórsem deımin. Adam bul ómirde bárine daıyn bolý kerek. Úırenýden jalyqpańyzdar. Iá, qıyn jaǵdaılardy bastan keshtik. Osyndaı sátte qoldaý kórsetken óz jankúıerlerime, halqyma rızashylyǵymdy aıtamyn, – dedi Ilın.
Qaırat Eńbekshiuly sportshyǵa qurmet kórsetip, oqý ornynyń «Qurmetti professory» kýáligin tabys etti.
Shymkent