Teńiz jaıaý áskeriniń rota-taktıkalyq toby «Oımasha» polıgonyna taktıkalyq oqý-jattyǵý ótkizýde. Bul týraly «Batys» óńirlik qolbasshylyǵy baspasóz qyzmeti habarlady.
Oqý-jattyǵýlary bólimshelerdiń jaýyngerlik daıarlyqtyń joǵary deńgeıine keltirilýimen bastaldy. Dabyl berilgennen keıin rota komandırleri qoıylǵan tapsyrmalardy anyqtap, qalyptasqan jaǵdaıdy baǵalap, aımaqtyń rekognıssırovkasyna kirisip ketti. Keıin qabyldaǵan sheshimdi batalon komandırine baıandaǵan soń, jaýyngerlik tapsyrmany oryndaý úshin bazalyq aımaqqa marsh oryndaý úshin buıryq berildi.
Birinshi kezekte komandırlerge urys barysyndaǵy ózara is-qımyl men onyń qamtamasyz etilýin retke keltirý qajet boldy. Bıylǵy jyly medısınalyq pýnkttiń qurylýyna, basqarý pýnktteriniń ınjenerlik turǵyda durys jabdyqtalýyna jáne rota-taktıkalyq toptarynyń atys pozısııasyn orynalasýyna erekshe kóńil bólindi.
- Oqý-jattyǵýdyń basty maqsaty bolyp túrli urys jaǵdaılarynda, jeke quram is-áreketterin barynsha kelisiltirilgen jáne tııanaqty bolýyn pysaqtaý boldy. Oqý-jattyǵý qolaısyz aýa-raıy jaǵdaıynda ótkizilgenine qaramastan qoıylǵan tapsyrmalar tolyqtaı oryndaldy. Rota komandırleri men barlyq jeke quram qajetti tájirıbe ala aldy, - deıdi 25744 áskerı bóliminiń komandıri Murat Arapbaev.
Atalmysh oqý-jattyǵýlarǵa 300-ge jýyq jaýyngerler jumyldyryldy. Onyń qortyndysy boıynsha 6 teńiz jaıaý áskeri rotasynyń komandıri gvardııa aǵa leıtenanty Oljas Qýandyqov úzdik bolyp tanyldy.