Qazaqstan munaıshylar-geologtary qoǵamynyń prezıdenti B. Qýandyqov elimizde geologııalyq barlaýdy damytý máselesi men tásilderiniń ózektiligi týraly baıandama jasady. Bul týraly Premer-Mınıstrdiń baspasóz qyzmeti habarlady.
Onyń aıtýynsha, tujyrymdamada respýblıka úshin negizgisi munaı-gaz jáne metallýrgııa salalary ekeni, onyń negizi mıneraldy baza ekeni eskerilgen.
«Elimizdiń keıbir óńirlerinde munaı-gaz salasynyń kelesi 10-15 jylda toqtaý qaýpi týyndaýy múmkin. Munaı-gaz salasynyń ál-aýqaty úsh alyp Teńiz, Qarashyǵanaq jáne Qashaǵannyń arqasynda qurylady. Alaıda, olardyń áleýeti de shekteýli. 20-30 jyldan keıin bul munaı óndirýdiń tabıǵı quldyraýyna ákelýi múmkin, sondyqtan qazirdiń ózinde geologııalyq barlaý jumystaryn maqsatty túrde arttyrý, tereń kókjıekterdi ıgerý mańyzdy», — dedi B. Qýandyqov.