Almatydaǵy Qazaq Kólik jáne kommýnıkasııa akademııasynda Tukeshov Boxing Promotions kompanııasynyń uıymdastyrýymen kásipqoı boks keshi ótti.
Jarys baǵdarlamasyna saı jeti jekpe-jek uıymdastyryldy. Solardyń arasynan alty jup kásipqoı rıngtegi ózderiniń tusaýkeser kezdesýlerin ótkizdi. Osy básekelerde Zamanbek Danabekov Ernat Karataevty, Qanaǵat Qartbaev Aqylbaı Baıdálıdi, Nurbol Sultanbaı Beknur Ábdirashevti, Beket Qojabekov Aldııar Mansurbekti jáne Namık Neftalıev Rýsıan Gornýshevty utty. Kásipqoılar arasynda biraz tájirıbe jıyp úlgergen Berikbaı Nurymbetov Ǵalymjan Dıhannan basym tústi.
Sonymen qatar áıelder arasynda da bir jekpe-jek uıymdastyryldy. Qanat Áltaev pen Dastan Sádýaqasov syndy bilikti bapkerlerden tálim-tárbıe alǵan «MTK Global Kazakhstan» klýbynyń múshesi Jansaıa Raqymberdi Gúlmıra Tólepbergennen basym tústi.
- Osyndaı boks básekelerin uıymdastyrýdaǵy bizdiń basty maqsatymyz – kásipqoı rıngte alǵashqy qadamdaryn jasap júrgen jastarǵa jol ashý. Solardyń arasynan daryndy jáne jalyndy jigitterdi iriktep alyp, keleshekte dúbirli dodalarǵa qosý, – deıdi Tukeshov Boxing Promotion kompanııasynyń basshysy Jalǵas Túkeshov.