Búgin Almatyda Qazaqstan shańǵy sporty túrleri Ulttyq qaýymdastyǵynyń otyrysy ótti. Jıynǵa Qazaqstan Ulttyq Olımpıadalyq komıtetiniń ókilderi, sportshylar men bapkerler, qaýymdastyq quramyna enetin shańǵy jarysy, taý shańǵysy, frıstaıl men snoýbord, shańǵymen tuǵyrdan sekirý federasııalarynyń birinshi basshylary qatysty. Bul týraly Olympic.kz habarlady.
Otyrys barysynda «Ulttyq shańǵy sporty túrleri qaýymdastyǵy» músheleri jınalyp, qatysýshylar qaýymdastyqtyń 2019 jylǵy atqarǵan qyzmetin jáne kún tártibindegi máselelerdi talqylady, sondaı-aq, basqarýshy organdardy qaıta saılaý ótkizildi. Jıynǵa qatysýshylardyń biraýyzdan sheshýi arqyly Qazaqstan shańǵy sporty túrleri Qaýymdastyǵynyń prezıdenti bolyp Súleımenov Dıas Tóleýtaıuly saılandy.
Dıas Súleımenov kóptegen jyldar boıy qazaqstandyq sportty damytýǵa belsendi túrde atsalysyp keledi. On jyldan asa ýaqyt boıy elordadaǵy boks federasııasyn basqarǵan ol qazirgi tańda paralımpıadalyq qozǵalysty damytýǵa arnalǵan iri jobalarda jums isteýde.
«Bul qyzmetti maǵan senip tapsyrǵandaryńyz úshin Qazaqstan Ulttyq Olımpıadalyq komıteti men qurmetti áriptester, sizderge alǵys aıtamyn. Berilgen múmkindikti joǵary baǵalaı otyryp, elimizdegi qysqy sport túrlerin damytýǵa bar kúshimdi salamyn. Búkiálemdik olımpıadalyq qozǵalysty shańǵy sporty túrleri aldyńǵy qatarda keledi. Sondyqtan, qazaqstandyq sportshylardyń qysqy sport túrlerinde joǵary nátıje kórsetýine jaǵdaı jasaý bizdiń mindetimizge kiredi », - dedi Dıas Súleımenov.
Qaýymdastyqtyń tań shańǵysy, frıstaıl jáne snoýbordty damytý jónindegi vıse-prezıdenti bolyp otandyq bıznesmen Erkin Tátishev taǵaıyndaldy. Sondaı-aq otyrys barysynda revızııalyq komıssııa quramy men jańa jarǵy bekitildi.